ثغرات الماضي

الفصل الثاني عشر

#ثغرات_الماضي
#طيبة_الربيعي
*الفصل الثاني عشر*

~~~~~~~~~~~~~~~~~~

ازل: مُنذر

وگفتة من يورث الجگارة بحلگة سحلت روحي.. اني گلت مُنذر وهو رفع عينة شافني.. ضم الجداحة، جر نفس ووخر الجگارة من حلگة

ابتسم: عرفت راح تجين

رديتلة الابتسامة ودخلت للمطبخ، اتلفت وراية اخاف احد يجي وهاي بيداء مطفية

ازل: شكراً على الجهاز، زحمتك
مُنذر: انتي بالذات شما اسويلچ متزحميني'طيبة_الربيعي'
استحيت: تعشيت؟
مُنذر: اكلت برة، تعاي گعدي خل اعلمچ عليه

مشة للميز ديگعد، گتلة

ازل: لا مُنذر اخاف احد يجي ويفتهم غلط، لتخاف اني شوية شوية اتعلملة
گعد: ازل گعدي صارلي يومين مشايفچ زين ولا گاعد وياچ، ميحتاج تخافين هل خوف بطلي مدام اني هنا اليفك حلگة يتندم

رغم الخوف مستوطني بس كلامة ريح گلبي.. گعدت لان محبيت افشلة واستحيت لا ياخذ غير نظرة علية

مُنذر: جيبي خل اسويلچ فيس
ازل: سوتلي بيداء، بس محد بينة تعرف شلون يُستخدم بس نغم واستحي اسئلهة
ضحك: شعجب متعرفين'طيبة_الربيعي'
ازل: بس فايبر وبموبيل امي اتراسل بي وية البنات
مُنذر: تدرين البعمرچ كلشي يعرفن، اني اتعجب انتي هيج مُحافظة
ازل: ماعرف يمكن لان ملتهين بالمدارس وشغل البيت، ماكو وقت لهيج امور
مُنذر: احسن، هاي الامور تفسد اذا تُستعمل بطريقة غلط
ازل: يعني هسه اذا استعملتة افسد؟'طيبة_الربيعي'

عزة العزاچ ازل.. هو هذا سؤال ينسئل.. طلع من حلگي بدون تفكير

ضحك: لا متفسدين لان انتي مترباية وطينتچ نضيفة
خجلت: شكراً

سكتنة شوية، اني احاول اتهرب من عيونة بس مدري شجاني وباوعتلة.. لگيتة يباوعلي بنظرة غريبة، نظرة استفسار.. ماعرف.. دنگت عالموبيل

ازل: عادي اروح؟ تأخر الوكت
مُنذر: انطيني حسابج داشوفة

انطيتة الموبيل.. گام يگلب بي ماعرف شيسوي.. واني ايدي على گلبي لا احد يجي

مُنذر: ضفت حسابي من حسابچ، هاچ

انطانيا

وگال: سديت الاشعارات مال فيس حتة الرسالة من تجيج محد يشوفهة الة ادخلين على الفيس، انتبهي من ادزلچ رسالة'طيبة_الربيعي'

گلبي يدگ بقوة

ازل بفهاوة: هاا ماشي
مُنذر: يلة روحي اني راح اطلع بالباب شوية، اراسلچ بعدين
ازل بسرعة: شتسوي برة بهل وقت