ثغرات الماضي

الفصل الواحد والثلاثون

#ثغرات_الماضي
#طيبة_الربيعي
*الفصل الواحد والثلاثون*

مساء الخير🙄
تستاهلون بارت على التفاعل الحلو مثل وجوهكم الحلوة
___________ღ___________

"المشاعرالمكتومة لا تموت ابداً، انها مدفونة وهي على قيد الحياة وستظهر لاحقاً بطرق بشعة"... سيغموند فرويد

وگعت بين رجليهة ارجف وابچي

نزلت وياية وبيدهة خولة گامت تبچي وياية

ام ازل: ولچ شبيچ'طيبة_الربيعي'

سمعت صوت منذر وراية

منذر: سلام عليكم
ام ازل: شبيهة بتي منذر! باعيلي ازل يمة لتمردين گلبي عليچ
ازل: مابية مابية، انطيني خولة

اخذت خولة من ايدهة شميت ريحتهة، هديت

منذر: بتچ تتعاير علية، كلساع ووديني لأهلي، كلشي وزعلت

عمتي سهام صاحت

سهام: هذا منذر اجة؟؟؟
منذر: اي يمة اني
ام ازل: شبيچ فهميني

مابية احچي

ام ازل: هاي صار كم مرة تجيني ازل وجههة تعبان منذر، شبيك وياهة
منذر: شبية عيني، طلعتهة من البيت الچانت محصورة بي، شبية
ام ازل: لتحچي هذا الحچي، شبيهة محصورة بيت جدهة ماكو احسن من العيشة هنا
منذر: من هاي بتچ كلشي متعرف بالحياة، متدري الدنيا شبيهة مابيهة
ام ازل: شنو قصدك؟

باوعت عليه بخزرة، شگد كارهتة بهاي اللحظة، بس وضعي ميسمحلي اناقش، انتهت عندي الكلمات

هز بيدة وطب يم عمتي

ام ازل: گومي، گومي علة حيلچ رجفتيني

اذكرت الصار بية، باوعتلهة بخوف

ازل: منو جوة
ام ازل: محد بس اني وعمتچ بالبيت
ازل: وين البقية لعد
ام ازل: راحو لبيت عمچ
ازل: منو عمو ابو عواد؟
ام ازل: لعد منو، غير بس هو طالع بيت، شبيچ ماما راح تخبليني، ليش ترجفين وحلگچ ازرگ، شسوالچ هذا الحيوان
ازل: مسوالي شي، مابية شي، اريد اگعد يمكم هاي الفترة
ام ازل: شلون بيچ ماما، جايتني منهبطة وترديني اسكت، خل اشوف هذا رجلچ وافتهم منة

عافتني وراحت وراه

اباوع لخولة تمسح بدموعي وعبالك تحچي تسئلني شبيچ تبچين

ضليت گاعدة وهية بحضني

اسمع حديثهم وصافنة عاللاشيء