ثغرات الماضي

الفصل الرابع عشر

#ثغرات_الماضي
#طيبة_الربيعي
*الفصل الرابع عشر*

~~~~~~~~~~~~~~~~

ام صابرين: يلة بكيفك، بس غير اعرف شبيك يا يمة
شاهين: شكو يمة شبيچ، تعبان ومالي خلگ
ام صابرين: تعبان ومالك خلگ شنو، الولد ميشتغل عدنة وانتو موجودين عيب'طيبة_الربيعي'
شاهين: عادي ميحچي شي، قابل عماد غريب

رحت يم البنات يسون غدة علمود نخلص گبل ونروح للسوگ.. حتة هاي راح تطلع سم علية من ورة هذا اللاحگني وين ما اولي

بيداء: شو بكي
صابرين: يمعودة
بيداء: هااا، بس لا عماد
صابرين: اي صخام، شاهين ميقبل ياخذنة راح يوصي عماد
صفگت: الله حيوووو
صابرين: وقزرقط
بيداء: وچ هذا شاهين هم طلع مو شوية، يحب عماد اكثر منچ وديطبقچ ويا
صابرين: اي مو اخوية هيچ بلا غيرة
بيداء: الظاهر هيچ
صابرين: انلصمي ترة واصلة لخشمي
بيداء: هو اكو واحد موصلت عندة هناك
صابرين: ليش
بيداء: ميس هم متريد تروح
صابرين: شاهين مو
بيداء: اي
صابرين: شكو، من هاي ميريد يروح
بيداء: مخابيل، واحد يعاند اللاخ، امشي خلي نحضر بين ميخلصون، وبلكت هاي تجي المخبلة
صابرين: كليلهة مراح يجي شاهين
بيداء: اي هو هيچ'طيبة_الربيعي'

ازل... صرت مدمنة على كلام منذر.. اهتمامة بية وحبة الية خلوني اشعر بقيمتي كأُنثى عن حق وحقيق.. كُل يوم بليل منام اذا مو على كلام بعض.. ويا حسيت بطعم الحب الحقيقي.. ابد محسسني بأنو هو احسن مني فقط لان هو رجال.. فرق چبير بينة وبين عواد الي على كلشي وصاح وغلط..

قبل لنروح للسوگ بيوم چنة نحچي بليل وگتلة حنروح للسوگ باچر

"شتسوون"
"علمود عرس نغم ومقداد"
"اي وشلون تروحون"
"شاهين ياخذنة اكيد"
"روحي حبيبتي تونسي"
"وانتة"
"شبية"
"تجي باچر"
"لا، بالعرس اجي"
"ليش صارلك يومين"
"احسن"
"مدام عواد مو هنا"
"وعواد شعليه"
"مو اخاف يحس على شي ويگول لابوية شيخلصني"
"ازل اكبر واحد ميوگف بوجهي اذا ردت اسوي شي، چان عواد لو غيرة، لتحرگين اعصابي بهذا الحچي"
"اسفة والله مو هذا الاقصدة، ماريد يدرون بشي هسه وتصير مشكلة وبعدها شلون ننجمع"
"بابا افتهمي هذا عواد مدام تخافون منة هيچ يركبكم، واني هسه احچي وية خالي، شنو زلم كبار عايشين وية بنات شابات بنفس البيت وين صايرة هاي"
"متربين سوية مثل الاخوة"
"وهذا عواد ميشوفچ اختة كم مرة اگلچ ازل، لجيبين طارية يمي بعد"
"اي اي ماشي، لتضوج عيوني"'طيبة_الربيعي'

وضاج مني بوقتهة محبيت اضغط عليه.. الحلو بي انو يضوج بس ميگلب علية.. وهذا المحببني بي.. يغار علية بس ميخنگني.. يوم عن يوم دتقوة مشاعري تجاهة..

من اتفقو مقداد ونغم على العرس بهل وقت السريع تعجبت.. نغم مكسورة من ذاك النگس واحسهة دتتخذ القرار الغلط