ثغرات الماضي

الفصل الخامس

#ثغرات_الماضي
#طيبة_الربيعي
*الفصل الخامس*

صباح الخير😘😘
اليوم مدللتكم بس بدون حسد لا اگلب😂🌝
............................

معرفت شأرد عليه عبالك الحرارة راح تخليني اطگ من الخجل

ريان يجر بثوبي: يلةةة جووعان
ازل: اي اي هسه ناكل

باوعت لمنذر چان يباوعلي بنظرة صعب الواحد يفسرهة لان خالية من المشاعر.. هية صفنة وهية صندوق من الافكار مغلق.. صعب الواحد يفتهمهة

ازل: محتاج شي اسويلكيا؟ جوعان؟
منذر: لا اشكرچ، شوية واروح انام
ازل: لعد شعجب گاعد لهذا الوقت'طيبة_الربيعي'
منذر: دگيت علة امي اطمن عليهة وطار النوم من عيني
ازل: اهاا
ريان: ازل جوعان
ازل: اي اي

رحت فتحت الفرن بي اكل باقي مال عشة.. طلعت ماعون وگعدت ريان عالميز وخليتة گدامة.. ردت اجر الكرسي بس اذكرت منذر بعدة واگف

باوعتلة بعدة على نفس النظرة.. ربكني

ازل: تفضل اگعد ليش واگف
منذر: لا گعدي انتي اني هنا واگف
ازل: ترة دتشوف اكو كومة كراسي، علويش تبقة واگف اگعد نتعرف عليك اني وريان
وباوعت لريان: مو؟؟
رفع راسة: هاا

مفهي اخوية.. اذكرت كلام ماما انو منحسسة هو غريب.. ماعرف ليش تعاطفت ويا يمكن لان الدم يحن'طيبة_الربيعي'

ازل: هيچ حبيبي ولا شي اكل بالعافية

گعد منذر واني گعدت.. ماگدر اباوعلة استحي.. اباوع لريان

منذر: بس انتي وريان؟
ازل: لا بعد خولة بالگماط
منذر: هااا
ازل: لعد ماما شنو حاچيتلك
منذر: ماعرف شگد انتو بس تحچيلي اكثر شي عنچ
ابتسمت: وشتحچي عني

مادري ليش احس براحة من داحچي وياه

منذر: طالبة بعدچ وانتي الشايلة مسؤولية اخوتچ ومدللة عائلتچ، صح؟

مبتسمة واحچي.. على شنو مادري.. يمكن من مدح ماما بية

ازل: ممم يعني، اسوي العلية لا اكثر ولا اقل
منذر: مسامحة ومتحبين الچذب والباطل
ازل: ماما مطلعتني نبي'طيبة_الربيعي'
منذر: لا هاي صفات حلوة مو شرط بس النبي يحملهة مو صح؟
ازل: بلي صح، انتة لوحيد لعمتي سهام؟
منذر: اي الوحيد

نظرتة تغيرت.. صار اكثر جدية وحسيت اكو شي مضموم ورة هذني النظرات.. مادري حزن، قلق لو غير شي.. المهم شي مو مريح

ريان: مي

گمت اجيب مي ورجعت

منذر: عيونچ منين وارثتهة
ازل: مو من احد هيچ من الله
منذر: عجيبات