ثغرات الماضي

الفصل السابع والثلاثون

#ثغرات_الماضي
#طيبة_الربيعي
*الفصل السابع والثلاثون*

مع الأسف هاي القصة انظلمت بالتفاعل، اكو متابعين فدوة لگلبهم يعني كلش داخجل هلگد ما ديتفاعلون واحس تعبي ميضيع
بس من ناحية المشاهدات كلش انظلمت الرواية
ياريت توصل لأكثر عدد ممكن
حرامات القصص الهابطة تصعد والبيهة نفع تنظلم 💔
كتبت فصل طويل كسرت ظهري عليه علمود ارضي عيونكم الحلوة
اتمنى لكم قرائة ممتعة✨
___________ღ___________

كيف يُمكن لغفلة واحدة أن تجعلني اغفل عن الحقيقة بأكملِها؟
كيف لثغرة واحدة ان تجعل كُل ما بنيته في قلبي حُطام؟

رند... مجنت اتوقع هذا الرد البارد

رند: مو من حقي اعرف رجلي بكلبة وحدة ثانية غيري؟
عواد: ماكو بكلبي غير وحدة، منيلج هذا الحجي
رند: سمعت بأذني عواد ليش تنكر'طيبة_الربيعي'
عواد: شنو تنكر شو تقللين احترام انتي
رند: مداقلل احترام، دتركض ركض علمود ازل، اريد افتهم شنو موقعي اني من الأعراب اذا انتة تحب بنت عمك، ليش مكتلي من اولهة قبل ليتم هذا الزواج
عواد: لتخرطين حجي بكيفج، وبعدين شنو انتي تحاسبيني؟ شفتيني وياهة لو سمعتيني احجي وياهة لو شنو الموضوع؟
رند: لعد اذا كلامي مو صحيح اثبتلي

تعابير وجهة تغيرت، ضاج

عواد: لا حول ولا قوة الا بالله، كاعدة كبالي تحاسبيني عبالك اني بكدج، كومي درسي خلصي دروسج لتضلين تدخلين بأشياء متخصج

صدمني، مدام ضاج يعني بعدة يحبهة، دمعن عيوني

رند: يعني تحبهة

عاقد حاجبة ويخنزر علية، تحسس من سؤالي

رند: جاوبني عالاقل ريح كَلبي بجواب، حتة اعرف اني شنو الغاية من وجودي بالبيت وانتة وقتك كلة ذابة على هل قضية
عواد: لا ماحبهة، وهاي اخر مرة تحجين وياية بهل موضوع

ضليت صافنة بوجهة، تعابيرة متكول ميحبهة، جان جاوبني بدون لف ودوران

رند: لعد اترك زوجهة بحالة لو انطي القضية لغير واحد
عواد: رند!
رند: ميحتاج تعصب، اني داناقشك بهدوء

بس بداخلي عاصفة اذا انطيتهة الأمر تحرك الدنيا والبيهة

عواد: هذا شغلي، مو جاهل اني وامشي بأمر مرتي والله شنو تغار
رند: ماغار عواد، شتعرفني اني يا يوم محاسبتك لو مأذيتك بغيرتي، بس ماتوقع اي مرة بالكون تقبل رجلهة يمشي بقضية علمود وحدة جان يحبهة سابقاً

دخل شاهين، سكتت

اشرلي: كومي روحي