#ثغرات_الماضي
#طيبة_الربيعي
*الفصل الرابع والأربعون* 🔥🔥🔥
حبايبي البارت الجاي الأخير، مداگدر اختمهة ابارت، عذروني دخت ودوختكم وياية
الجاي حيكون الأخير وداحاول اكتب وقت فراغي لان بدو بينة دگ دراسة من اول يوم
قرائة ممتعة❤️
___________ღ____________
شتت اشتاتي وانا الذي جئتك مرهقاً من العالمين
جئتك ككتابٍ بصفحات ممزقة، فرميتني على الرف
لم تستعد لقرائة ما تحتويه من المشاعر
ميس... كرهت طاري الحب بسبب شاهين، علاقتي ويا وصلت للهامش بسبب عدم صدقة وياية، ضليت اعد عليه وارجع ليورة فقدت السيطرة علة لساني
بيداء: بس فهميني شكو شصااير'طيبة_الربيعي'
ابجي واحجي بالكَوة تطلع الكلمة من حلكَي
ميس: مو صادق وياية، يلف ويدور ويخدرني بالكلام الحلو والطلعات والاهتمام، ماخذني علة كَد عقلي عبالة ميس الزعطوطة
بيداء: شسوة
ميس: مريم
بيداء: شلون بمريم احنة، غضب الله هاي هم شسوت
ميس: اني مو هاي مشكلتي، مشكلتي شاهين وجذبة علية، يكَلي خلاص كَطعت وياهة وبعد متطلع بحياتي، ذاك اليوم طالعين ودكَت عليه تبجي وميتة بس حتة تسمع صوتة
بيداء: اي وشاهين شعليه؟
ميس: شعليه شلووون، علق البنية بي وتركهة وهسه هاي مستحيل تنسحب من حياتة اذا متحصلة مترتاح، واني شنو ذنبي ابقة اتحمل وجودهة واسكت؟؟؟
بيداء: مو كَلتو عواد هدد اخوهة وبعد ميجرأون يتواصلون ويا؟
ميس: هذا كلام شاهين، وتتوقعين اثق بكلامة بعد؟
بيداء: زين ليش منخابر عواد نحچي ويا ونتأكد؟
ميس: وعواد شيصير كلشي براسة، ميصير لا
بيداء: لعد شلون
ميس: خيولي، انتهة كلشي مابيناتنة خط رجعة بعد
صفنت علية
ميس: شبيج ترة مناقصة
بيداء: داتعجب عليكم، تحبون بعض ويومية عركة، اذا هيج انتي متتحملين ماضية الأسود ليش أملتي بالزواج
ميس: شنو حضرتج تردين تذبيهة براسي؟ ولا عبالك تعرفين اني بيا وضع انحطيت بسببة، شايفة اذا امي درت اني ويا لسة بعلاقة شتسوي؟
بيداء: ذيج المرة خابرت مرة عمو وجرحتهة بالحجي، هل مرة مو بعيدة تترك كلشي بيد ابوية، واذا ابوية درة......
ميس: واني هذا الخايفة منة، احارب الدنيا علمودة تالي يطعني ويرجع لمريم، لأن دتلح عليه ومو بعيدة تغري وتخلي يرجعلهة بعد ما يبرد الحب البيني وبينة
VOUS LISEZ
ثغرات الماضي
Roman d'amourسأكتفي بطرح سؤال لماذا يدفع البريء ثمن خطيئة المذنب؟ قصة تتحدث عن انتقام من حبيب وانكسار فتاةٌ غير مذنبة تُترك في منتصف الطريق مع طِفلاً ليس مقبولاً على حقيقته بين المجتمع وكيف الله يجعل من كل امراً عسيراً يسير لكنها لن تبقى على ما كانت عليه في الما...
