ثغرات الماضي

الفصل الخامس عشر

#ثغرات_الماضي
#طيبة_الربيعي
*الفصل الخامس عشر*🔥

مساء الخير عليكم حبايب💞
~~~~~~~~~~~~~~~~

ازل... انقهرت على منذر من احتقار عواد الة عبالك غريب وبس هو الة حق بينة.. طلع العرس سم علية لحد ما رجعنة للبيت وية شاهين.. الولد اغلبيتهم بقو يتعللون يم بيت عمتي.. بعد ما نومت خولة وخليت ريان بفراشة يمي بدلت وغسلت وجهي علمود ارتاح بفراشي.. للتلاثة الفجر اني عيوني مشافت النوم ضل بالي يم منذر هسه وينة وشديسوي.. دازتلة رسالة من رجعت الي هسه ماهوة..'طيبة_الربيعي'

لهناك محسيت على روحي وغفيت.. وية صلاة الظهر يلة گعدت.. ملگيت خولة ولا ريان اكيد امي اخذتهم.. فتحت الموبيل لگيتة دازلي رسالة

"اسف حبيبتي التهيت وية الولد ورجعت متأخر"
"ضل بالي عليك ليش تأخرت"

الرسالة دازلياهة بالخمسة الفجر، يعني ورة ما نمت بشوية.. شلون حظ.. اكيد هسه نايم.. ضليت فوگ مالي نفس حتة انزل من ورة عواد وسوالفة.. هسه شسوي شلون اخلي يبطل هل طبع.. شوكت يعوف الولد بحالة.. اخاف احچي ويشكون بيني وبينة شي

دزيت لبيداء

"بيداء"
"ها"
"شنو گاعدين"
"اي، هاي ميس بس تلغي، شگال شاهين وشسوة شاهين، سطرتني"
"تعالن يمي"
"تعالي انتي لان هاي حالفة متطلع من الغرفة"
"يلة جاية"

ميس... صدمتني بيداء بالكلام السمعتة يدور بين مرة عمي ام شاهين و أُمي

بيداء: هذا شاهين طلع مو شوية، هم طگة ونص مثلچ'طيبة_الربيعي'
ميس: لچ بطيتي گلبي تحچين لو الفخچ على حلگچ
بيداء: باعي هذا الأسلوب ميوكلچ خبز، تعدلي لا ابلع السالفة
ميس: بيداء ترة مالي خلگ والله
بيداء: اي تمسكني، تدرين خاطبيچ
ميس: منو
بيداء: رايديچ لأبنة لأبن عم ابوية
ميس: منوة
بيداء: شبيچ هذا المرتة وبتة جوي البارحة بالعرس، عساس يباتون يمنة بس اجة عليهم الولد
ميس: بس لا عقيل؟
بيداء: اي هو، امة البارحة گايلة لأمي ردنة نجي مشاية عليكم نريد ميس لعقيل بس ابن عمهة منطانة حق ولا باطل، والولد رايدهة وعاجبتة شخصيتهة ورايح حاچي وية شاهين لان عود ولد واحد يعرف الثاني ومعرفة قوية، بس متعارك ويا ومفشلة
فكيت حلگي: شنو؟
بيداء: والله، امي معتذرة منهة وگايلتلهة مسحيهة بوجهي والبنية بعدهة صغيرة وابوهة مينطيهة الة تخلص، وهسه سمعت امي تگول لمرة عمي عيب ابو گرابتنة والسواه شاهين مو حلو بحق الرجال
ميس: همة اصلاً ذولة ابوية ميطيقهم ومو مال واحد يناسبهم، بس شاهين شعليه ليش يتصرف من كيفة'طيبة_الربيعي'
بيداء: هو هذا الكاتلني، ليش يتصرف هيچ اذا مو رايدچ هو الة
ميس: خيولي، متناقض ميعرف شيريد، اني اصلاً نويت اوصل لأبوية يخلي شاهين يحترم نفسة بعد، مو سلعة اني بكيفة يمشيني
بيداء: اني اشك هاي اليحچي وياهة مسويتلة شي ساطرتة سطر
ميس: وليش هو عربانة
بيداء: لچ غبية خاف مسويتلة عمل شيطاني لو شوف شنو
ميس: لا هاي كلهة كلاوات، هو بي مرض التناقض، شفتي البارحة شسوة بية خزاني گدام العالم
بيداء: اي غير لابخة وتدرين احنة ممنوع علينة المكياج
ميس: كلچن لبختن مو بس اني
بيداء: بس انتي كثرتي وتدرين بنفسچ غلطانة، حمدي ربچ مو عواد المنتبه چان گعدچ بالبيت'طيبة_الربيعي'
ميس: عادي كلشي اتقبل من عواد، بس شاهين لا
بيداء: دمشي ننزل
ميس: مانزل اذا هذا موجود
بيداء: شعليچ بي، بالعكس خلي هو يحسبلچ حساب مو انتي
ميس: مالي خلگ چان نزلت