C h a p t e r (Thirty Five)
12:30 am sa orasan nang magising ako. Tulog na tulog si Shami habang siksik na siksik sa’kin. Napangiti ako. Teka, asan pala si Jace?
Dahan-dahan akong tumayo at ayaw ko namang magising ang kapatid ko. Ready na sana akong pihitin yung doorknob nang marinig kong magsalita si Jace. Mukhang may kausap sa phone.
“Ate please, don’t tell her…” ate? May ate siya? “Lie to her…” to her? Kanino? “Sige na, ibababa ko na. Do everything that you can para hindi niya malaman. Please…ate… Sige, bye…” wala nang sumunod kaya agad akong tumakbo papuntang kama at nagpanggap na tulog.
Sino ba yung kausap ni Jace? Okay Shara, ate nga diba? Pero hindi ko alam na may ate pala siya. Lie to her? Kanino naman?
Mga ilang minuto pa siguro yun bago ko marinig na bumukas yung pinto at umalog na yung kama. Naalala kong kailangan ko pa nga pala ulit matulog ay may pasok pa bukas este mamaya.
x-x-x-x-x
Pagmulat ko ay si Jace agad ang nakita ko. Nagpupunas kasi siya ng basang buhok sa harap ng salamin. Halatang katatapos lang niya maligo. Kahit hindi siya ganon kalapit naaamoy ko. Ang bango niya shiz.
“Good Morning,”
“Morning rin. Kanina ka pa gising?” humihikab kong tanong bago bumangon. Tsaka lang sumagi sa isip ko na kagigising ko lang at malamang sa malamang ay may muta pa ako. Shiz!
Dali-dali akong tumakbo para sana pumunta sa CR pero ang galing lang at nadulas pa ako. Medyo masakit sa pwet. -_-
Agad namang lumapit sakin si Jace at itinayo ako. “Tsk tsk. Bakit kasi kailangang tumakbo?”
“Hehe. Maghihilamos lang ako ah!” bumitaw na ako sakanya para pumuntang CR at tanggalin ang mga dapat tanggalin tuwing umaga.
Nagluto lang ako, kumain, naligo, nagbihis at naglakad papuntang school. Cross-fingers pa ako habang naglalakad sa hallway. Juskopo, sana wala dun si Rui. Sana absent siya. Sana wala, sana wala…
“Morning,” napaatras agad ako nang makita siyang nakasandal malapit sa pinto.
“I like you.”
Napapikit ako ng mariin nang maalala ko na naman yun. Ang awkward kaya! Tapos kung ano-ano pang pinagsasabi niya na layuan ko si Jace?! Well, neknek niya! Kasi hindi na ako maggi-give up! At narealize ko kung gano katanga ang maggive up nalang nang basta basta!
Hindi ko nalang siya pinansin at nagtuloy tuloy na sa classroom pero ang swerte lang at nahawakan niya pa ako sa braso.
“Ano?” tinaasan ko siya ng kilay. Pakiramdam ko ang sama sama ng dating ko ngayon pero wala na akong pakialam.
“Look, I’m sorry.” Parang nagmamakaawa yung mga mata niyang singkit. Nakakaawa pero naiinis parin ako sakanya.
“Ok.” Yun nalang ang nasabi ko bago bumitaw at pumasok sa room.
“Hoy gaga,” tawag ni Geoff pagkaupo ko sa classroom.
“Uy, bak–”
“Ba’t ka umuwi kahapon? Anong nangyari?” Bumuntong hininga ako tsaka tahimik na ikwinento sakanya yung mga nangyari since maaga pa naman.
“I knew it.” Yun lang ang sinabi niya pagtapos kong maglitanya.
“Ha?”
“Yung kay Rui. Duh, manhid ka kasi.”
“Manhid? Oy di ah! Hindi lang talaga ako malisyosa.”
“Whatever. Eh anong nangyari dun sa ex?”
“Ewan ko. Bigla ko nalang iniwan kahapon eh. Nakakainis kaya. Hindi ako makakatagal ng limang minuto na kasama siya no.”
“Baka mamaya pag-uwi mo nakaabang na naman yon sa labas!” tumawa siya ng nakakaasar.
“Baka mapatay ko na siya.” Nakasimangot kong sabi.
“Wow, nagkaboyfriend lang naging brutal na!”
“Sinong may boyfriend?!” nagulat nalang kami ni Geoff ng sumulpot sa tabi namin si Skye na mukang nakalunok ng isang bote ng enervon. Tumingin siya sakin. “Shara? You’ve got a boyfriend already?!” bakit po ang hyper niya?
“Uhm…” sasabihin ko ba? Eh hindi naman kasi kami close.
“Why do you care?” tanong ni Geoff sakanya.
“I’m not talking to you, Geoff.”
Halatang parehas kaming nagulat na dalawa sa sinabi ni Skye. Hindi naman kasi siya yung tipong pumapalag kay Geoff diba? Pero ngayon? Woah…
“Goodmorning class!” nakahinga ako ng maluwag nang marinig ang boses ng Economics teacher namin. Thank God nakaligtas ako sa tanong ni haponesa!
x-x-x-x-x
Uwian. Wala akong kasabay. Feeling ko napag-iiwanan ako. Lahat kasi busy sa upcoming intrams pero ako pachill chill lang. Kasalanan ko bang hindi ako sporty? Kasalanan ko bang wala talaga akong madamang excitement sa mga sports sports at cheering na yan? Well except sa panonood ng mga hinahagis na babae sa ere, medyo natithrill talaga ako dun.
Para akong sira na tumitingin tingin sa paligid, expecting Trisha. Pero mukang wala. Kahit anino niya hindi ko makita.
“Thank you Lord!” tuwang tuwa akong naglakad papunta sa school nila Shami. Buti nalang at wala ang babaeng yun! Mukhang payapa ang araw ko ngayon!
“Ateeee~!” patakbong pumunta sa akin at niyakap ako. Gusto ko sana siyang kargahin tulad ng ginagawa ni Jace kaso hindi ko kaya. Baka matumba lang kaming dalawa.
“Ice cream tayo, Shami?”
“Waaah! Sige po, sige ate!” nagtatalon siya nang marinig niya yun.
Agad kaming bumili ng ice cream sa malapit na tindahan na may tindang ice cream. Excited akong umuwi. Gusto ko lang matulog since wala namang homeworks. Projects? Meh. Next week nalang ‘yon. Pag malapit na deadline! Mwahaha.
Nagbihis lang ako at agad ibinagsak ang sarili sa higaan pagkadating. Minsan talaga ang sarap maging tamad. Mehehe. Yung tipong matutulog ka lang. Haaay! Heaven!
“Daddy!” napabalikwas agad ako ng bangon nang marinig yung sigaw ni Shami. Daddy? Teka…
Ang alam ko kahihiga ko palang at hindi pa ako nakakatulog ah! Napatingin ako sa relo. 5:11 palang. Andito na siya agad?!
“Uy, bakit ang aga mo?!” naghalf run ako papunta sakanya.
Ngumisi siya at hinapit ako palapit sakanya. “Namiss kasi kita.” Ilalapit niya na sana ang mukha sakin pero pinangharang ko ang kamay ko.
“Hep. Si Shami!” bulong ko sakanya tsaka tumingin kay Shami na nakatingin lang samin na para bang amazed na amazed.
Napabuntong hininga siya at hinalikan nalang ako sa cheeks.
“Magbihis ka.”
“Nakabihis naman ako ah?” nagtataka kong tiningnan ang suot ko.
“I mean…” he sighed. “Fine. Let’s go.” Sinimulan niya na akong hilahin pero hindi ako nagpadala.
“San tayo pupunta?”
Tipid siyang ngumiti. “Basta.”
“Teka… pano si Shami?” napatingin ako kay Shami at nakaramdam naman ako ng awa.
“Don’t worry, I called someone already.”
“Excuse me! Hindi someone ang name ko! It’s Carmel!” grand entrance ni Mel sa bahay namin. Ngumiti siya sakin at nagwave. “Hi Shara!”
“Carmel?”
“Yep! The one and only!” hinawi niya ang buhok niya at naglakad papunta samin.
“Siya ang magbabantay kay Shami?” tanong ko kay Jace.
Tumango lang siya.
“Hoy magaling na Jace! Siguraduhin mo lang na bata na talaga ang ibebaby sit ko kung hinde–” mukang napansin niya naman na may Shamina nag-eexist sa loob. “Omo! Ang cute! Siya ba yung babantayan ko?!” agad siyang lumapit kay Shami na parang nakakita ng isang cute na stuff toy.
“Yeah. And you better take care of her or else…”
“Oo na, oo na. Whatever! Pasalamat ka pumayag ako! Buti nalang boring yung next class ko!”
“May next class ka pa?!” di makapaniwala kong tanong. “Huy Jace inistorbo mo pa si Mel!”
“Don’t worry, sabi niya nga, ayaw niya nung next class niya diba? No need to be guilty.”
“Tama siya, Shara! Wag ka na maguilty! Wala sakin yun! Di ko naman major yon! Feeling lang!” tumawa siya. Nakahinga naman ako ng maluwag.
“Let’s go? Para makauwi rin tayo agad.” Bulong niya sa tenga ko kaya medyo napalayo ako. Nakakakiliti kasi! Tumawa naman siya.
“Ew guys! SPG! Lumayas na nga kayo kung san kayo pupunta!” umirap samin si Mel kaya napailing nalang si Jace.
“Daddy, san po kayo pupunta?” nakasimangot na tanong ng kapatid ko.
“Diyan lang princess, don’t worry. Saglit lang kami.” Lumapit siya kay Shami at hinalikan ito sa noo. “Be a good girl to ate Carmel okay? Babalik din kami agad. Okay?”
Tumango tango lang ang kapatid pero halatang nag-aalangan parin siya.
“Don’t worry sweetie! Mabait naman si ate Carmel!” pagkukumbinsi sakanya ni Mel.
“Oo nga, Shami. Mabait si ate Mel mo. Babalik din agad kami, okay?” yumuko ako at hinalikan siya sa cheeks.
“Basta bilisan niyo po ate ha!” mangiyak ngiyak niyang sabi.
“Oo.” Nginitian ko siya tsaka lumapit kay Jace.
“Let’s go?” aya niya sakin. Humawak naman ako sa kamay niya.
“Sige Mel, una na kami.” Paalam ko.
“Alagaan mo si Princess!”
“Oo na nga! Ulit-ulit lang Jace?! Sige na, bilisan niyo ha! Ingats!”
“Bye Daddy! Bye ate!”
Tumango lang ako at naglakad na kami palabas. Sumakay kami sa kotse niya.
“Teka, san ba tayo pupunta?”
“We’re going to confront Trisha.”
At pinaandar niya na ang sasakyan.