مساء الخير Comfort zone 💕💕 .. ازيكم واحد واحد .. اللي داخل يبص بصة وماشي .. وحبايب قلبي طبعا اللي مستنيني .. انا كاتبة كل ده عشانكم ❤️
بالبداية كنت عايزة اعمل المناقشة دي ريكورد لايف على البيدج (لان المناقشة طويلة حبتين وكنت حابة اتواصل معاكوا بشكل اسهل) لكن رجعت افتكرت ان فيه عدد مش قليل من المتابعين الحلوين مش عندي على البيدج 🤦 ليه كدا يا جماعة ده احنا بنزل اقتباسات حصرية وحاجات حلوة فايتكم ..
ندخل في الجد بقا ..🤓
انا هتكلم النهاردة في نقاط كتيرة اوي ومتفرقة ومهمة جدا جدا جدا .. فاوعي تزهق في النص اللي يكرمك وتقفل .. وبعدين الاقيك في المستقبل القريب داخل تسأل بمنتهى البراءة عن نقطة منهم 😴💤
أولا: سؤال انهال عليا لحد وقت قريب عن تطبيق Dreame
دي عينة من الاسئلة واكيد عارفين التطبيق صح😂
طيب .. دي اهم نقطة في الاجتماع تقريبا ..
بلاش أي حد يتسرع الله يكرمكم .. اسمعو للاخر لا الموضوع مش زي متوقعتوا
بصو .. من شهرين تقريبا بداية نوفمبر جالي عرض كويس من شركة Dreame الجميلة .. والعرض كان بخصوص الجزء الاول من الرواية (Never let me go).. وانهم فتحوا قسم عربي جديد وعايزني انشر الرواية هناك .. انا فرحت وقتها .. تطبيق جديد وانا هبقا من أوائل الناس اللي بتنشر هناك يعني شهره وكدا وخصوصا ان الناس كان تعاملهم فوق المحترم والله .. لكن ..
لكن الجماعة كان شرطهم اني احذفها من واتباد (اقصد الجزء الاول فقط) واسيب بس أول 5 فصول منها واللي هيبقا عايز يتابع يتفضل يكمل الرواية في تطبيق Dreame
وقتها والله اول حاجة جات في بالي .. انتم ..
انا مرتبطة بيكم .. ولما بقول منطقة الراحة بتاعتي وبيتي ووطني الصغير مش مجرد كلام بقوله كدا
عارفة انكم يمكن بتسمعوا زي كلامي ده من كاتبات تانية كتير .. لكن انا حقيقي حقيقي والله بحبكم ومرتبطه بيكم
وقرار زي ده مترددش فيه كتير .. كوني اني احذف الجزء الاول يعني خسارتكم بالنسبة لي وانا مكنتش اقدر اخسركم تحت اي شرط .. وسبق وقولت دا وقت ما عملت المدونة.. وكان قلق البعض وقتها اني اسيب وقتها وقولتها بصراحة اني مش ممكن اسيب واتباد ابدا ابدا never ever والاسباب كانت كتيرة بالنسبة لي:
• اولها اني بدأت من هنا .. وانتم اللي قولتوا اني عندي موهبة .. اللي عرفني أكيد فاكر اني بدأت كتابة بالصدفة ومجرد ترفيه ومكنتش متوقعة ان فيه حد يقرأ لي .. يعني انتم اللي شهرتوني .. ولولاكم مكنش العرض ده جالي اصلا
• وكمان صبرتوا عليا كتير .. وكنتم معايا خطوة بخطوة وقدرتوا ظروفي وتعثراتي الأخيرة
دايما داعمني وواقفين في ضهري وبتشجعوني بكلام لطيف وادتوني دفعة ثقة مش بس في الكتابة .. لأ كمان في حياتي الشخصية (دي نقطة لوحدها في المناقشة)
• ده غير ان الجزئين التانيين مرتبطين ب الجزء الأول .. يعني هتبقا حركة مش لطيفة اني اشيل الجزء الاول من رواية أن بكتب الجزء الثالث منها .. وياسلام لو حذفته وناس كانت لسه بتقرأ جديد فيه .. ايه الغلاسة دي😅😅
• ومش ناسية طبعا موقفكم وقت ماخدت القرار الاضطراري بتاع حذف الجزء الثالث وكلامكم وقتها مش هتصدقوا انه فرق تماما في نفسيتي وقتها .. تقريبا محدش فيكم قالي كلمة تزعلني .. وحتى لو حصل انا شوفت انك دافعتوا عني ازاي رغم ان الشخص ممكن يكون على حق وقتها .. بس انا بحبكم .. وكل ما بيعدي على الوقت في واتباد بتعلق وبرتبط اكتر بالناس اللي فيه وبعتبرهم كلهم اصحابي .. صحيح اني تايهة ومش ليا اوي في السوشيال ميديا وساعات بقفل فيس وانستا عشان اركز لكن مرتبطة اوي بالناس اللي بقوا حواليا في كل مكان .. ولما بيختفي حد فيهم بقيت اقلق وبدخل اسأل عليه كمان ..
(وبالمناسبة دي فيه صديقة ليا Alaa_h_ بقالها تقريبا سنة مختفية لانها مريضة واخر محادثة بنا كانت من ٣ شهور ومن وقتها وقفت ترد على رسايل ياريت اي حد يعرف حاجة عنها يطمني يحسن القلق بيصوري حاجات مش حلوة رجاء الدعاء لها ربنا يشفيها يارب)
• نكمل موضوعنا ..
انا اعتذرت عن العرض بعد ما تأكدت أنكم هتواجهوا صعوبة (ولو بسيطة) في المتابعة هناك .. والناس كانت لطيفة جدا وتفهمت رأي في ده .. ومين عارف يمكن في اعمل حساب هناك وانشر عليه بشكل مجاني زي واتباد (وقتها مش هبقا مضطرة احذف حاجة من هنا) على سبيل اني ابقا منتشرة وكدا .. لكن اكيد مش دلوقتي خالص.
كدا خلصنا اول سؤال دماغي ورمت من كتر ماتسألته وكنت متوترة وحاسة بالذنب مش عارفة ليه رغم اني كنت اعتذرت عن العرض وقتها😂😂الحقيقة مكنتش ناوية اجاوب لانه حصل وانتهى بدون ضوضاء لكن مع الحاح السؤال حسيت ان الناس مخوناني وحاسة بالغدر مني فكان لازم تبقوا معايا في الصورة
ياجماعه انا قاعدة على قلبكم هنا ومش هسيبكم ومافيش حاجة تفرقنا عن بعض ابدا يا عمري😂😂😂😂😂😂😂
فمش عارفة حسيت ان دا يمكن يكون خبر حلو بالنسبة لكم؟!!!
تاني سؤال: هل الرواية واقعية؟؟؟ ولو أيوة .. ازاي تسمحي لنفسك يا غادة أنك تفشي اسرار مرضى؟!
السؤال ده شوفت شبه كتير الفترة اللي فاتت .. وفي كل مرة ببقا عايزة ارد والله لكن وقتي مكنس بيسمح
جماعة .. جماعة ركزوا ابوس راسكم متلبسونيش في حيط انتوا عايزين تحبسوني😂😂😂😂😂
اسرار مرضى ايه اللي بفشيها .. ومين جاب سيرة انهم ادهم وفريدة كانوا مرضى عندي؟!
انا قولت بالنص:
"هذه الرواية بها جمع غفير من الشخصيات الحقيقية .. يؤدون ادوارا مبنية على احداث حقيقية حدثت في حياتهم لتتضافر مع وحي خيال الكاتبة والسياق الدرامي للأحداث ..
جميع المعلومات العلمية المذكورة في الرواية مأخوذة فقط من الابحاث العلمية المعتمدة."
معني الجملة دي:
زي ما فهمتوا بالظبط .. لمحات حقيقية من حياتهم والباقي من خيالي .. وانا قولت اللمحات دي ايه وايه الخيال .. واللي مش فاكر يرجع لأخر فصل في الجزء الثاني بعنوان (المناقشة وتحليل الرواية) .. ده انا شارحة حتى فيه ازاي ألفت مشاهد التعذيب!!!!
اكيد مش حقيقي يعني!!!
بالنسبة لقصة جاستن فهي ايوة حقيقية (اقصد تفاصيل جريمة القتل واظن دي مفيهاش اسرار دي اتنشرت في الجرايد يا جماعة)
اما ليليان الحقيقة (لولا) حبيبة قلبي .. احب اطمنكم عليها هي رجعت بالف سلامة لطريق التعافي يمكن ربنا استجاب لدعواتكم وانا بنفسي قولتها ومش هتصدقوا ردها كان ايه .. البت دمعت من الفرحة وده اداها دفعة امل انها تكمل وتكتب في يوم قصتها الحقيقة بنهاية سعيدة مشرقة تدي بيها امل لغيرها (غير نهايتي المأسوية😅) وبالمناسبة دي كله يكتب لها كلمة حلوة هنا لو سمحتوا عشان اوريها قد ايه هي تستحق الحب❤️
وفي الاخر حد يجي يقولي هي فين الواقعية دي اصلا .. مع احترامي لرأيك الفاضل .. لكن مهما كانت الرواية مأسوية وبتعرض جانب سئ من الطبيعة البشرية .. الا ان الواقع اسوء بر
مراحل .. والله العظيم الواقع اسوء بمراحل .. احنا مصر . بلاش الدول التانية .. احنا واصلين لدرجة وحشة اوي يا جماعة مهما قولت مش هتتخيلوا .. يوم الثلاثاء اللي فات فضلت ألفت ساعتين في الشارع بعد الشغل عشان انسى الكوارث اللي سمعتها من حالتين جداد عندي واحاول متأثرش عاطفيا بيهم .. والله قسم احاسب عليه اللي كتبته جنب اللي حصل هزار ولعب عيال .. مش هقدر اقول غير اننا بقيت عايشين في مستنقع حتى الحيوانات تقرف تعيش فيه .. اانا بوالغريبةنهاجم اي حد يحاول بس مجرد محاولة انه يلمح للحقيقة دي .. محدش هيصدق غير اللي بيشوف بعينه!!! وربنا مايكتب على حد يشوف حاجة زي دي ابدا ..
اديني عيطت تاني ينفع كدا..
نيجي لثالث سؤال: الرواية كم بارت يا ست غادة .. انتي طولتي اوي .. احنا بننسى .. احنا زهقنا
والله انا زهقت اكتر .. ونفسي اخلص قبلك .. ومش هقول واعيد تاني في التزاماتي ومسؤوليات اظن اننا خلاص عرفنا اللي فيها .. والمفروض اني اخدت كلمة منكم خلاص انكم هتستحملوني لحد ما اخلص .. أو توقفوا الرواية وتقروها كاملة مرة واحدة فيه ناس قالت كدا وانا احترمتهم جدااا .. فعذا السؤال ده مش هرد عليه .. والرواية فاضل فيه ١٦ بارت .. ياريت مسمعش صوت لحد ما اخلصهم بالطول او بالعرض بقا انهم كروته مش هاكروت وانتم عارفيني 😂😂
سؤال الوحش : غادة ليه كتبت اصلا عن السادية كان فيه اضطرابات كتير ملقتيش غير السادية .. وكاتبة كمان +١٨ دي بتجذب اساس من دون السن يقرأ وكدا انتي بترتكبي خطأ وكأنك بتشجعي على كدا وخسارة موهبتك في المواضيع دي؟
ده سؤال اكتر من شخص انا جاوبت تقريبا على بنوتة واحدة فيهم لكن الباقي مكنتش بقدر اعيد الاجابة وبما ان فيه مناقشة فانا احتفظت بالرد على البنت وهنقله هنا بالحرف عشان اللي سأل ومخدش جاوب واللي نفسه يسأل كمان 👇
اولا حبيت سؤالك وبسعد كتير لما أسمع اسأله زي دي
ليش اخترت هالموضوع؟؟
لأنه موضوعي جدلي شائك من الدرجة الأولى .. مثل ما قولتي تم تناوله في واتباد مئات المرات لكني للاسف لم اصادف منهم مرة واحدة صحيحة!!!!!
يعني تناولته من كل ابعاده العلمية النفسية والاجتماعية .. والنتبجة بتكون نشر مزيد من الأفكار المغلوطة حول هذا الموضوع الاشئك من البداية ليزيده غموض على غموضه .. وهل تعرفين ماذا يعني هذا؟؟ .. يعني مزيد من التعمق والبحث بغرض التثقيف في البداية لكن ما تكرار الافكار المغلوطة في كل سيناريو نقرأه ما يلبث العقل ان يتشبع بهذه الافكار وتترسخ به لتصبح معتقدات لا تقبل الشك .. وهنا تصبح النتيجة واضحة سيتحول الشاب او الفتاة لاحدى الادوار التي اختارها عقله في كل الروايات المشوهه
خاصة في عالمنا العربي الذي يهوى التكتم على كل ما هو شائك يمس الجنس او الدين او السياسة .. لا يقبل حتى بمجرد طرح سؤال أو مناقشة عادلة
انا شخصيا بعد ثلاث سيناريوهات من هذا النوع ومع خبرتي الشخصية والعلمية في هذا الموضوع (والتي تم عرضها في مناقشة وتحليل الرواية الجزء الثاني) كنت قد اكتفيت ووصلت حدي من هذا الهراء وقررت عرضه بكل موضوعية مثل اي موضوع علمي ليس هنا جانب حياز ، لا كما عرضت في الرواية العلم لم يفصل بعد في هذا النزاع وموضوع السادية بين المرض واسلوب حياة واذا قمتي ببحث صغير في محركات البحث العلمية الاجنبية ستتأكدين من هذا
ثانيا لما لم اتناول اي اضطرابات اخرى؟؟
عزيزتي .. هذه الرواية لم تتعرض لاضطراب السادية فقط .. هذا الرواية تعرضت لعدد ضحم من الاضطرابات النفسية والعقلية ايضا .. السادية .. اضطراب التعلق .. الاكتئاب الجسيم .. الادمان .. اضطرابات الشخصية السيكوباتية والبارانودية .. ذهان الكوكايين .. ماذا لدينا ايضا غادة؟؟ .. اها .. اضطراب الوسواس القهري اولأ كنبذه واضطراب الشخصية الحدية كنبذه .. هذا ما اتذكره فقط .. اي كم اكثر من هذه الاضطرابات تريديني انا اتحدث عنه؟؟ .. لقد تركتي كل هذه الامراض وركزتي فقط على السادية؟!!!!!! .. لكن ما عليكي تبقا الموضوع الرئيسي للرواية ولأنه الاكثر جدلا بينهم والاكثر شهرة والاقل معرفة علمية!!!!!
اذا لما تكتفي بهذه الإضطرابات .. ابشري .. لديكي رواية روسالكا وهي زملة جديده ايضا من الاضطرابات يتم التعرض لها وطرحها بشكل علمس لأول مرة :-D
للعلم حبيبتي انا لم استعرض الموضوع لجذب انتباه المتابعين او حتى بغرض اسبقية عرضه بشكل علمي فقط بل لمعالجته ايضا بشكل علمي .. اذا حنت قد قراتي الجزء الثاني (وانا. اشك لان سؤالك تم الاجابة عليه في المناقشة بشكل اكثر تفضيلا) في الجزء الثاني ستجدي خطة علاجية مخصصه موضوعه لهذه الاضطرابات .. يعني لما اتركها مفتوحه بل قمت بمعالجة كل مشكلة بعد عرضها علاجا علميا صحيحا ليس بها ولو ١٪ من خيال الكاتبة .. كل معلومة أخذت وقتها الكامل في البحث والتأكد من صحتها قبل تقديمها للقراء .. لا مجال للعبث هنا!!!
لماذا اكتب +١٨ .. انتي اجبتيها .. حتى لا افاجئ بمن هن دون العمر يقرأون ويرمون بعذرهم على حملي .. لابد لي من التنويه والا اكون قد خدعت القارئ .. لا اقصد هنا من هو دون العمر بل حتى القارئ العام .. المحتوى بالاساس غرضه التوعية وتثقيف العقول بشكل ممتع شيق .. يعني من يقرأ المعلومة لن يحتاج للبحث عنها بعد ذلك .. واذا فعل فسيفعل وهو على قدر عال من التفريق بين العلمي وغير العلمي بين الحقيقة والخداع .. واذا كان دون العمر فاحب اقول لك بفم صريح (هذه هو المطلوب) .. والحمدلله انه قرأ روايتي اخيرا قبل ان يقع فريسة تحت من يستغل عقله الصغير دون ضمير .. هذا يسمى تثقيف نفسجنسي .. وما عليكي من المشاهد الخارجة لانني اتخذت بشأنها قرار سيتم تنفيذه الايام المقبلة ان شاء الله
واذا وصلتي للجزء الثالث معي فمبروك هذا الجزء هو المستوى الأعلى من العلاج والحيل النفسية وخبايا النفس البشرية .. اوصيكي بالمتابعة بشدة ليس لي .. ولكن لعلي افيدك بشئ!!
سؤال آخر من أسئلتكم: الوصف والحديث النفسي اصبح زيادة خاصة بالجزء الثالث وده بيسبب ملل والاحداث بطيئة؟؟
يا حلوين .. يا حبايب قلبي .. سبق وقولت كتير الجزء الثالث بالذات وضع خاص جداا .. سواء في حبكته أو النمو اللي حصل في شخصياته .. الاضطرابات وتطور الشخصية ازاي ممكن يتم شرحه الا عن طريق الحديث الذاتي؟!
دي الطريقة الوحيدة اللي اقدر اعرف بيها ايه اللي بيحصل داخل الشخصية .. تفكيره دوافعه نفسيته .. نفسيته دي لوحدها كفاية .. انتم متخيلين الوضع سهل .. ده كفاية فريدة اصلا .. اني اشرح حالتها بتحس بايه بتمر باين .. يا جماعة فريدة شخصياتها والله بقت معقدة جدا عن شخصية أدهم .. غير اضطراب PTSD (ما بعد الصدمة) دي واحدة كانت مشلولة شلل وجهي اللي هو من اصعب انواع شلل واللي كفيل لحده يدمر نفسيتها .. طبعا بعيدا عن شلل رجلها بعد ٧ شهور في غيبوبة .. وطبعا ده لو اتجاهلنا انها فاقدة الذاكرة .. فازاي .. قولولي ازاي انا اتجاهل تباعت شرح نفسيتها وتأثير كل ده خصوصا واحنا نطينا في السنين يعني مكناش معاها واحدة واحدة من وقت مافاقت من الغيبوبة (ماعليكم ده هيحصل في حتة قدام) .. وادهم طبعا نفس الوضع لازم نوضح مدى تطور الشخصية عنده ونوع التغيير اللي حصل والصعوبات اللي بيواجهها في التعامل بينهم
ثم انتم مش مقدرين الموقف بموضوعية .. ده احنا لو حبسنا واحد مع الشخص اللي سرقه في مركب واحدة كان يمكن ولعوا في بعض ما بالكم باللي ادهم عمله
على العموم .. خلاص .. احنا عدينا المرحلة اللي كنا محتاجين فيها حديث نفسي كبير وكل حاجة تقريبا وضحت اهه .. والدنيا بعد كدا هتبقا اسرع ان شاء الله .. بس الصبر .. والله لو كروتكم هترجعوا تشتكوا 😂
نيجي للاسئلة اللطيفة الخفيفة: النهاية ايه يا غادة .. سعيدة ولا حزينة ولا شاي بلبن؟!
اكيد مش هقول النهاية ايه .. مش عشان انا كاتبة ولازم اكن ناصحة ومحرقش النهاية ..
لأ عشان انا لسه محددتها 😂😂😂😂😂😂
والله لسه مستقرتش .. لكن الاكيد الاكيد هتكون منطقية
يعني حزينه ؟!
انا قولت كدا ؟! .. منطقية بالنسبة للاحداث القادمة منطقية بالنسبة لاحداث الرواية ككل بلاش استعجال فيا .. عارفة وربي اني سنة انتظار كتير لكن ان الله مع الصابرين اذا صبروا ❤️ اصبروا عليا وهتاخدوا حاجة نضيفة
فيه امل في علاقة ادهم وفريدة ولا لأ قلبنا وجعنا؟!
الجزء الثاني من البارت ١٤هيجاوب على السؤال ده خلاص والله اهه
عادل فين؟!
عادل ده له ترتيب ابن لذينة ومش هيظهر دلوقتي خالص .. هيظهر في ذروة الأحداث .. واكتر من كدا مش هقدر اقول هههههه
طب كان فيه مشهد مصطفى خطف فيه حد في المزرعة ده مين ؟!
ماتيو .. وده برضو اول مشهد في الجزء الثاني من البارت ١٤
طب فريدة هتتحسن وترجع لها ذاكرتها؟!
ايوة
كدا تقريبا خلصت كل اسألتكم اللي جات أو يمكن اكثرها استفاضة من فضلكم تابعوا صفحتي على فيس عشان لما احب اعمل لايف ألاقي ناس تسمع متوجوعوش قلبي في كتابة ٣٠٠٠ كلمة رغي 😂😂😂
-ده احنا عبرنا اسهل من كدا-
هتلاقوا لينك الصفحة في البوكس التعريفي بتاعي هنا Ghada_hazem
آخر حاجة بقا .. دي شكوى مني انا
الفترة اللي فاتت فيه ناس كتير قالتلي عن كاتبات سارقين روايتي او فكرتها او جزء منها .. وانا وفيه اللي كان سارق غلاف after burn نفسه (اللي هو انا دافعه تمن شراء الصورة اصلا من تطبيق تصميم مشهور)
ياجبروتك يا اخي 👀👀
حتى ان فيه واحدة قالتلي انها شافت مسلسل تركي جديد بعرض نفس فكرة الرواية (اوديكي فين يا شهرة😎) .. لكن الصراحة انا مكنش عندي وقت اجري ورا كل دول وقولت ربنا عليهم الا ان فيه واحدة استطاعت النجاح في استفزازي من منطقة السلام النفسي😂👇
فاكرين البنت اللي كانت سارقة روايتي كوبي وانا دخلت كلمتها خاص وهي اعتذرت وحذفت الرواية وقالت انه تشابه افكار وكدذا .. واكيد طبعا الي دخل وقرأ ده كان كوبي مع تغيير الاسماء فقط .. وحظها اني لسه محتفظة باسكرينات لروايتها ..
المهم .. البنوتة دي طلع عندها عزيمة وميأستش .. حذفت الرواية فترة وروحت نزلتها تاني والمرة دي غيرت في اولها وكملت عادي جدا 😂😂😂😂😂😂😂
-في عزيمة وإرادة-
فياريت يا شباب تعملوا حاجة .. انا مش هقول تعملو ايه .. اعملوا اللي ربنا يقدر كم عليهم .. كومنتات بلاغ انتوا وذوقكم 😂😂
ده حسابها وده غلاف روايتها 👇
كفاية رغي اوي كدا .. اشوفكم في الجزء الثاني من البارت واللي هو فيه خلاصة الخلاصة .. واللي ان شاء الله يكون قريب ❤️
اسيبكم دلوقتي مع تعليق كان الاقرب لمحتوى البارت القادم