مسائكم جميل my Comfort Zone❤
مضى شهر وأكثر على آخر مرة نشرت فيها بارت أو حتى مقال .. لا أحد يعلم صعوبة هذا القرار علي وأني قبل ما أدخل وأكتب الإعتذار حاولت كتير أني أستمر في الكتابة رغم الضغوط اللي بتعرض لها وأكيد أنتم عارفين كم مرة كنت بحدد ميعاد نشر وأرجع اعتذر لاني للاسف الضغوط كانت أقوي!!
وللاسف برضو -وبرغم اعتذاري ده- فيه عدد من المتابعين رفضوا تقبل اعتذاري واعتبروها اهانة مقصودة مني لهم وهاجموني!!
لأول مرة منذ أن بدأت الكتابة أتعرض للهجوم لشخصي وليس للمحتوي المقدم حتى..
انتو خدتو بالكم من عنوان النوت .. انا مسمياكم comfort zone يعني منطقة راحتي .. يعني ما ينفعش يجيلي منها أي طاقة سلبية أو إحباط!!
مع ذلك فيه ناس هاجمت .. وقالت كلام مايصحش يتقال .. أنا مقدرة حقكم في الغضب والإستياء من لخبطة المواعيد وعدم الإنتظام في النشر لكن مش لدرجة الخوض في شخصي!!
وقتها انا امتنعت عن الرد لأني بالفعل لم اكن أملك الوقت للخوض في مثل هذه المهاترات .. لكني زعلت .. وزعلت جدا كمان .. لان الناس دي نسيت إني ابتديت كتابة الرواية دي في وقت كنت لسه بدأه فيه دراسات عليا .. نسيت اني كنت بنشر بين أيام دراستي وكمان امتحاناتي .. نسيت اني كنت بنشر فصلين كل اسبوع واحيانا اكتر .. نسيت ان الفصل الواحد بيعد 6000 كلمة .. ونسيوا كمان الفصول اللي تجاوزت ال10000 كلمة!!
الناس نسيت إن المحتوى اللي بقدمه في المقام الأول هو محتوى نفسي بحت وقضايا واقعية شائكة تحتاج لدارسة وبحث واعداد ومراجعة وتنسيق ولو معلومة مشكوك فيها أو غلط برجع أعيد البحث من تاني واعيد كل ترتيب الرواية والأحداث .. للاسف نسيوا كل ده مع اني اوضحته العديد من المرات!!
نسيوا اني مش زي أي كاتبة بعبي الفصل حشو كلام وانشر .. لا يا جماعة انا لازم اكون حاسة اللي بكتبه ولامس شعوري وإلا يستحيل أنشر حاجة انا مش راضية عنها
الموضوع مش كام كلمة بكتبهم عشان حد يجي يقولي (معقول انتي مش قادرة تكتبي 3000 كلمة بس مش مصدقة) .. لأ الكتابة في حد ذاتها سهلة وانا يوميا بكتب قد الرقم 3 أو 4 مرات تقارير طبية وابحاث وإلخ .. الكتابة مش مشكلة، المشكلة في المحتوى المكتوب .. وانا اقصد هنا التأليف مش الكتابة
التأليف هو حالة ذهنية في المقام الأول .. يعني لو ذهني مشغول كأبسط حاجة بالتأكيد كتابتي هاتتأثر .. مابالكم بضغوط وجو مشحون بالقلق والخوف .. إزاي إزااااي أقدر انتج محتوى أدبي ناجح ينول اعجابكم ويدخلكم في حالة شعورية جميلة وانا في ذهني واعصابي مستهلكة أصلا؟؟
اكيد انتم عارفين كاتبات كتير بيقولوا الجملة دي (انا مش مضطرة ابرر لحد حياتي الشخصية) .. سمعتوها كام مرة .. طب كام مرة كاتبة وقفت واختفت بدون أي اعذار أو حتى تتبيه مسبق؟؟
YOU ARE READING
After Burn بعد الاحتراق
Romance⚠️محتوى الرواية NC-18: غير مسموح لمَن هو بعمر 18 أو أقل من ذلك! حاصلة على المركز الأول 1️⃣ في تصنيف #علاج #نفسية ____________________ ماذا بعد الحرب؟؟ بعد الدمار؟؟ بعد الحريق؟؟ ماذا بعد النهاية؟؟ أحيانًا تكون النهاية في حد ذاته...
