عشق محرم

الحلقة 81

مرحبااااااا بيكم بحذانا
                    نورتووووناااااا
-يدور و يكلم فيهم-كان تراو قداش فرحان بيكم انا تواا بش نطييير بالفرحة
مربوطين، مكتفين، يديهم و رجليهم، و مسكرينلهم  افامهم مسكرين عليهم في قبو متاع فيران في بيت الكلها ظلمة فيها شباك صغييير بعيد يرشا، عالي. قربلهم بقا واقف و يخزرلها
بعديكا جبدها بالقويي من شعرها لين عيطت:نتي لي بش ترجعلي لي خسرتو الكل، انتي لي بش تفديلي ايام خسارتي لي تعداو، بقا يخزلها و شادها و هي مرعوبة، تبكي و تعيط و ترعش بكلها
نطرها بالقوييييي بزق على وجها و خرج
: صكرو الباب بالباهي .و كان تتعاود حرب عالمية ما تتحركش من هنا ليل وصباح يحكي معاه و يخزرلو في عينيه
             لين نجيبلكم شكون يعوضكم بالليل
دار للي من غادي و قدملو فيسع لوجهو بش يخوفو
: والله لو كان تصيرلهم حاجة
و عداا يدو على رقبتو بمعنى نقتلك
نتي وصاحبك و خزر للاخر خزرة متاع موت
ضحك و مشاا

:وييينكم شعملتوو يحكي و نارو شاعلة وجهو أحمر بش يطرشق
: سي طارق وصلنا للمطار اما رجالك لي تحكي عليهم ما فماش مطار كامل قلبناه و كيف سئلنا قالولنا لي الطيارة هبطت عندها نص ساعها
طارق كان قاعد قام: فااااااااش تحكييي يا كلب
-يعيط بأعلى صوتو- ر** موش قتلكم تاقفو غادي ما تتحركوش...كيفااااااااه...كيفاااااااه يصير هذاياا كيفففاه  يضيعو ما بين يديكم
-ودار للديڥون يضرب فيه و يسب فيهم- يا كلاااب....يا كلاااب..والله ما نقتلكم...والله ما نعذبكم لين ترا النجوم في القايلة... ما تصلحو لشي .. تي حتى كلاب عسة ما تجيوش تففووووه علق التليفون و طيشو على طول يدو دار يعيط  و يشد في راسو و يدور : ااااه...اهه..ملااا زهر..ملاا..... وقصت على افكارو الفكرة لي جات في مخو
: ما تكون كان هيا......حل الباب بالقوي لين قريب يجي فيدو و هبط يجري ماشيلهاا
ويييييينكك...يعيط و يدور عالبيوت يحوس عليها البيت لي يلقاها قدامو يحلها .....
خرجت من بيتها و تمشي وراه و هو موش فايق بيها مكمل يمشي يعيط و يحل في الباب لي يجي قدامو..
: اخرججججج....قتلك اخرج....
تمشي وراه و تخزر للمنڨالا لي في يدها
كمل البيبان الكل وصل لٱخر الكلوار حل اخر بيت لقاها فارغة رجع هو دار لقاها في وجهو.
فاطمة: برافو..... حليت 23 بيت في رقم قياسي دقيقة و 22 ثانية.. يعطيك الصحة..تعرف انتي تصلح ...
طارق تفجر اعصابو نهارت هبط لوجها، حط يديه على كرسيها : ياخي تحب تقتلني انتي ولا شنيةة...ٱٱٱه..تكلّم.. و توا قلّي..انتي   لي   خطفت  مريم و امها مالمطار موش هكااا؟
تكللللمم
فاطمة: شنواااا....كيفاه؟؟ مريم و عيشة لهناا؟؟
كيفاه جاو؟.
طارق: أسمعني ما تتبهللش عليا و تبدى تسيب في التمثيل متاعك فهمممتتتت .. انتي لي خطفتهم..شكون عندو مصلحة بش يخطفهم غيرك نتي
فاطمة: فاش تحكي ياخي....نتييي... انتي جبتهم لهنا و تخطفوو؟.
طارق يشوف في تفاصيل وجهها تعبر على انها ما فيبالها بشي...ركبتلو الشك
طارق: شتقصد...موش....موش نتي...
ما خطفتهمش
فاطمة: ما نصدقش... وين نعرف انا لي هوما بش يجيو..تحرك حوس عليهم فيسع قبل ما تصيرلهم حاجة يا مصيبة..الله لا تربحك...