عشق محرم

الحلقة 147

نهار عزاء ، نهار أسود موش لازم نحكيلكم عالتفاصيل تعدات جمعة و هما على نفس الحال ، مالك كل يوم ياكل في روحو و تاليفوناتو تضرب كيفاه جثة بوه ما فماش و طورينتو زادا كيف كيف بريطانيا مقيمها و مقعدها ، ودالي جاء لتونس بش يعزي أميرة
طب طب ما جاوب حد حل الباب و قلها : ندخل
كانت قاعدة فوق الفرش عاطية بالظهر ، الدموع في خديها ، لابسة الكلها بالاكحل و حاطة ايشارب على راسها مهبطة راسها و تبكي ، هو تكلم و هي دارت ، صوت موش غريب عليها : دالي و قامت مشات تجري و حملتو وماتت بالبكا
هو حاضنها و قلبو دم عليها موش عارف يكلمها ولا يسكت ، حط يدو على يشعرها ما لقا ما يقلها كان اششش
بقاو مدة واقفين و بعد هزها للفرش ، ايحا ايجا أقعد ، اميرة تبكي و تقلو يا دالي راو خلاني وحدي يا دالي راو مشا و انا متغششه عليه ، راني نادمة ما حملتوش و قتلو سامحني ، راني نادمة ما قتلوش يا پاا السماح وقت لي هو يقلي سامحني بنتي ، وهو يخزرلها قلبو دم عليها
أمين متعدي فالدروج جاي بش يطل عليها لقا الباب محلول دزو
يرا فيه قاعد و محملها ، وه شكونو هذا و شيعمل في بيت أميرة أستغرب و غار برشا اتحمحم ، ياخي أميرة بعدت على دالي و مسحت دموعها
أمين :اميرة جيت نطل عليك و قدملها  انتي لاباس موش هكا
خو جبتلك ماء بالزهر اشرب ،(شربها )و بعد خزر لدالي ما قتليش أميرة شكونو هذا
اميرة هذا دالي ولد طورينتو
دالي تصدم كيفاه طلعت تعرف ياخي خزرلها و عمر في نفس الوقت خزر لدالي ، وقام متغشش ، :شنواا فاش تحكي ياخي ، اميرة ياخي هبلت ولد قاتل بوك و مدخلتو لدار شبيك ياخي سافا با في راسك و دارلو هو و انتي سي الشباب مصح رقعتك ، بكل صحة رقعة جاي لهوني و لا عامل روحك تعزي  فيها وقلبك دم عليها و انتي جاي تهز فالأوضاع ، اه موش هكا ، ايا نهنيك يا سيدي هاكم ربحتو انت و بوك برافو (و صفق ) هاكم دمرتوها العايلة ماو هذا لي تستنا بش تشوفو موش هكا اه ، تحب تراهم مهزومين و مكسورين الجناح موش هكا ، ايا نهنيكم مرة اخرى هاكم وصلتو الي حبيتو عليه و توى اخرج من هوني ما نحبش نعمل شوهة اكثر من هكا ، و خاترها دار عزا احمد ربك و بوس يديك وجه و قفا لي انت بش تخرج كامل مالدار لاك ناقص يد و لا ساق خاتر  انا موش لاهي بيك توا اما نوعدك يجيك نهار
أميرة : أمين ، كملت ؟
أمين تلفت لأميرة بانتباه كبير
أميرة :نقدملك ولد راجل خالتي القديم و يجي فالأصل خو نور الكبير
أمين مخو صوتا يدو كانت في اتجاه الباب يطرد فيه ، هبطها و هو يخزرلو و كلام أميرة ضربو كالصاعقة ، موش فاهم شي ،شنوا هالعيلة يا ربي كيفاه عايشين و هو كل يوم يظهر واحد جديد ، فمو محلول عينيه تلعب تخزر لأميرة و ليه حتى دالي زادا كان مصدوم كيف أمين لي أميرة طلع فيبالها و بقا يخزرلها : أميرة ، صار ، صار انتي فيبالك !!
أميرة: اي دالي اي انا بيدي تصدمت كيفك انتي هكا اول ما سمعت من پاا كمل انتي ليلتها قتلي راو بابا
عمر لتوا مخو مصوتي وخر خطوتين و قعد فالقاعة
أميرة: شبيك مصدوم عمر عادي في عيلتنا ينجم يصير كل شي لتوا ما تعودت
دالي: اميرة، حبيت نقلك سامحني و راو ، ( يحكي كلمة و يقص موش عارف شنوا بش يقلها ) وراو (يحكي و مطبس راسو ) و راو انا ما عندي حتى دخل فالحكاية وزادا ، حتى بابا أميرة
أميرة : دالي عيشك ما تجبدليش عليه
دالي: اميرة هو ما عندو حتى ذنب و الله
أميرة قامت و اعصابها نهارت ،:كيفاش اه، قلي كيفاش ما عندو حتى دخل ، مالا شكون لي عندو قلي ، الكلنا نعرفو قداش هو يكره پااا
دالي وقف :أميرة صدقني انا زادا كيفك اول ما سمعت شكيت فيه هو اول واحد اما كي ريتو كيفاه داخل بعضو و يحوس عليه قلت موش هو
اميرة : يزيني عاد دالي الشي هذا موش جديد على بوك و طول عمرو يمثل عليك جات في هذي، اما والله ما نحاسبو بيديا والله
دالي : اميرة نعرف فاش تحس و صدقني انا معاك فلي بش تعملو الكل اما يا أميرة پا و نعرفو المرة هذي بالحق موش هو ، انا زادا عمتلو شوهة و هو يحلف و يعاود و حسيتو يحكي بالحق المرة هذي موش كيما المرات الأخرين ، أميرة عيشك صدقني والله حاسس لي هو خاطيه
أميرة : كيفاه يا دالي كيفاه مالا شكون اه قلي شكون و حبست في بلاصتها
أمين يخزر لعينيها كيفاه وساعت و هي معبيه بالدموع قام ، شبيك أميرة
عينيها تلعب و خزرت لعمر و قالتها بصوت مهزوم و دموع :ح،..ساام  ☹️
أمين مخو خدم و عينيه لمعو اما هي قالتها و جرات خرجت تجري
أمين بقا يخزر لدالي : ياخي حسام موش اليد اليمين لبوك و بعديكا تفكر لي أميرة خرجت قال أميرة و خلط عليها يجري و دالي خلط وراه دخلت لبيت مالك لي ما كانش غادي و بعديكا خرجت و عمر وراها يعيط : أميرة أميرة ، هبطت الدروج و خرجت تجري بسمة كانت قاعدة مع النساء اللوطة شافتها كيفاه خرجت تعفس في طاجين تقعرو تفجعت عليها ، و زيد كما عمر وراها قتلو : عمر شفما
دارلها ما تخافش طاا بسمة هاني معاها ..و خرج يجري
اما هي سبقتو ،ركبت فالكرهبة و ديمارات ما نجمش يخليها وحدها مشا يجري و دالي وراه موش عارف شيعمل عمر طلع فالكرهبة و قال لدالي أطلع ،طلع بحذاه و ديمارا خلا كان الغبرة ، يطلب في مالك ما يهزش ، أميرة تجري فالميتين و عمر خايف و يزمر عليها : اوف يا أميرة أوف ، نقص يا أميرة نقص و يزمر اما محبتش تسمعو يضرب فالفواون و يطلب: هز يا مالك هز موش وقتك توا ، و طلب عمر
عمر : مم أمين ، فما مصيبة أخرى
أمين : مالك وين نطلب فيه ما يجاوبش
عمر وين نعرف عليه انا راو لاهي في همو بربي وين تحبو يكون
أمين: فاش تحكي ياخي موش معاك
عمر : لا موش معايا أنا في الأوتال مع مريم و بوها و أمها زيد ، زيد علاش تطلب فيه نتي ،
أمين:موش وقتو توا تو بعد نحكيلك
عمر : مم باهي
أمين يضرب فالفولون و يعيط
عمر : أمين انتي وين ياخي و شبيها أميرة
امين: اميرة خرجت بالكرهبة تجري فالميتين و انا هاني خالط وراها ما حبتش تاقف
عمر :شنوااااا ، و انتي كيفاه تخليها تخرج فالحالة هذيكا ياخي هبلت
أمين: ما تزيدش عليا امين موش ناقصك علق توا