عشق محرم

الحلقة 84

داخل بعضو، أفكارو مشوشة، يجري فالطريق و يديرابي بالكرهبة لحظة ولا عمل أكسيدون، هز التليفون طلب أمين
:أمين، مريم و أمها موش فالدار
امين: فاش تحكي ياخي، مالا وين عندهم يمشيو
مالك: والله يا امين كيف ما نحكيلك، توا كنت في دارهم ، ماهمش غادي و سإلت عليهم الجيران الكل لي هذا يقلي ما ريتهمش حتى امينة صاحبتها قتلي عندها نهارين فماش ريحتهاو مريم نطلب فيها تليفونها مصكر، و عيشة زادا..امين انا شاكك لي پا ورا الحكايه
امين: فاش تحكي يا ولدي طونطون طارق شمدخلو و شنوا مصلحتو بش يعمل هكا
مالك: ما نعرفش يا امين ما نعرفش انا ما عاد فاهم شي و ما عاد عندي الثيقة في حد اما حاسس لي پا وراا الحكاية و هو لي خاطفهم
امين: يا ولدي ياخي هبلت بش تردهولي فيلم اكشن ما لقا ما يعمل طونطون يخطف فيهم ياخي هبلت
مالك: تفكر كلامي يا امين، وينك انتي تو؟
امين: هاني ******
مالك: هاني جايك، و فرد مرة نطل على اك لي ما تتسماش رغم انها ما تستاهلش
امين: مالك...عندي ما نقلك
مالك: موش وقتو توا يا امين توا نتقابلو و نحكيو..عمر معاك؟
امين: اي هو لي عمل لنور لعملية
مابك:باهي قلو كان يخدم توا يسيب لي عندو الكل حاجتي بيكم نتوما الزوز
امين:مممباهي

:شعملت؟
: تشكك في قدراتي؟
: هاهاهاها برافو عليك، ستنااا...تتمس منهم شعرة نحاسبك انا بيدي
: هاهاها جبتهملي ليدي و تحبني ما نعمل فيهم شي
:-عيطت-سمعععععععععععتتت؟
و علقت التليفون

صنعت تبسيمة و دخلت تطل على مليكة:
مليكة يا روحي هاو جبتلك ما تاكل
اميرة: ممااا تي سيبها بربي هاي كانت تاكل
بسمة: اميرة عزبزتي ما يجيش لازمها تاكل و زيد ريتها كيف كبتها الماكلة و ما كلاتهاش الكل هاني جتلك ماكلة مال buvetteو ماهياش بش تضرك انا نعرف اما لازمك تاكلها قبل ما يجي عمر
اميرة: ههه وليت طبيبة نتي مما؟
بسمة: اسكت علياا نتي
( بسمة كانت قاضية، اما صارت برشا حاجات لي خلاتها ما تكملش تخدم، و زيد طارق قلها تبطل و تتلهالو بل les sociétés و les affaires)
مليكة: ما نحبش يا بسمة نحب نرا نور....قلي يعيشك، هي لاباس موش هكا؟ ماكمش تكذبو علياا.
بسمة: يا عزيزتي والله هي لاباس جيست قاعدة ترتاح توا دوب ما تقوم يقلنا عمر و نمشيو نطلو عليها..هدي روحك يعيشك..
طب..طب..
بسمة: حل انتي اميرة
و بسمة قعدت توكل في بسمة
امين: اميرة بلاهي اشرف يحب يطل على طا مليكة احكي معاها بالله
اميرة: اي بالطبيعة امين لحظة
طا مليكة اشرف يحب يطل عليك
مليكة موش عاجبها هالطفل و موش عارفة حتى علاه كرهتو و هو ما عندو حتى ذنب لتوا مخها حاكيلها لي هوا لي ضرب بنتها
مليكة: امممممم قلو يجي -قالتها بالسيف بسمة فرحت كيف قبلتو يدخل خاطر ظلمتو المسكين
اشرف دخل هو و امين
امين: ططا لاباس نتي توا
مليكة عيش ولدي اي سافابسمة خلينا نمشيو احنا بالكشي عندكم ما تحكيو على راحتكم
بسمة جات بش تخرج ه يو اميرة اما اشرف ما خلاهاش
اشرف: لا لا مدام بسمة خليكم عيشك انا جيت شنفهم مدام مليكة لي صار و شنمشي على روحي
امين ستغرب ياخي شنوا هو لي صار خاطر ماشي في بالو لي اشرف ما اقاربين مليكة و نور