عشق محرم

الحلقة 53

في بيتها قاعدة بالروبة تبكي و تمخط المكياج هابط على وجها و الكحل سايح من عينيها ، إسلام قاعدة بحذاها ساكتة ما قالت حتى كلمة مسخفتها شنوا صار فيها.. نهار خطبتها صارلها هكا.....شدتها من كتافها تربط على ضهرها و تهدي فيها...

موش عارفة شنوا بش تعمل ....عيشة مزالت مغلغلة ملي صار تمشي و تجي قدامها تسب فيهم و تعيط و أمينة تسكت فيها أما هي لتوا تتنفض...: قَلُّو ولد العايشي..... تحب تعاودلي سيناريو حياتي لي عديتها سلاطة في جرتهم....أأأأأأه...تكلم.....تحب ترزيني فيك نتي زادا......تحب نعاود حياة الجحيم لي عشتو مرتين ....
رزوني في راجلي و بعد في كبدتي.............ذوقوني المرار لي عمري ما ذقتو ........عيشوني في عذاب و قهر.....يذوقهولهم ربي نشاء الله........ برا يهلكهم واحد واحد ......برا يرزيهم فاللي يحبوهم كيما رزوني في بنيتي (ما نجمتش تشد روحها بدات تبكي و تدعي) يا ربي خلصلي حقي منهم....إهلكم يا ربي و زعزعهم 

مريم تبكي بالشهقة: أمي أنا نحبو راني ........هي كملت كلمتها و عيشة تدورلها تلفها بكف عمرها لا كلاتو من عند حد وجههاا حمار و زراق ..مريم شدت وجها من قوة الكف و حلت فمها مصدومة ..دموعها مزات هابطة على خدها أما من قوة الصدمة وقفت البكاء و قعدت حالة فمها تخزرلها كاينها تقلها بعينيها علاش عملت هكا.....علاش توصل تهز يدك علي......شنوا ذنبي أنا فاللي صار...........

عيشة: صكر حبة تلوزك يا بنت الكلب......صكر عمى و وباء قتلو حُب............كلب يكلبك نشاءالله................
عيشة قاعدة تقدم و تعيط و أمينة جرات شدتها و توخر فيها التالي و تقلها لي ميجيش هكا ...إسلام قعدت مصدومة فاللي عملتو عيشة أول مرة تعمل هكا......أول مرة تهز يدها على مريم

عيشة تعيط و مريم لتوا مصدومة............
أمينةخرجت عيشة من البيت و مريم تنطرت صكرت الباب بالمفتاح و هبطت تبكي بالشهقة...بقعت الكف زراقت و مزالت حمرة إسلام جرات ترمات بحذا مريم تهدي فيها و تبكي معاها سخفتها حالتها

أمينة: عيشة ما يجيش هكا المشاكل ما تتحلش بالضرب هدي روحك يا وخيتي والله لاهو معقول هكا ......نورمال توصل تهز يدك عليها هذي أول مرة تعملها شمدخلها هي ؟شعملت؟؟ لا عملت لا يد لا ساق بش تضربها
عيشةقعدت فوق الكرسي في الكوجية.. قعدت تدادي.. توخر و تقدم فوق الكرسي.. مزالت سلحت شاربتها من على راسها : أسكت عليا بربي .....تي الكلو منها هي لي دخلتهولي لداري ولا أنا عايلة العايشي شمجيني ليهم بعد السنين هذي الكل

مريم: ياربي علاش بش يصير فيا هكا.....شعملت أنا حاطة يدها علي عينيها الزوز و تبكي..تبكي بالشهقة..غصة كبيرة في قلبها و نار شاعلة فيها من داخل .... نار ما ينجمش يطفيها البكاء...
إسلام تبكي:أسكت عيش أختي يفرجها ربي تو نلقاو حل .....أسكت عيش أختي.......