عشق محرم

الحلقة115

مالك يدادي لين قال صاياي تطلع كان صارتلها حاجة يحب يحكي كان بينو و بين روحو موش ناقسين الولاد بش يقلهم راي ما هزتش للمرة الخامسة
تبرقش في مريم عالمراية و تسويلها فالپانسو ، التليفون فالصالون يصوني و هي لا علاقة
أميرة :ايا صحححه
مريم يعيشك يا روحي زعمه نعجب مالك هكا ،اميرة دزتها :إمشي إمشي قدامي إمشي ما تخمم كان في مالك أه
مريم ضحكت
مشاو للصالون
أميرة : اآاا أمي عيشة ما تستحق شيء
مريم: أمي كيف تبدا تتفرج فناشيونال جيوغرافيك غيرا ما تكلمهاش بركا
عيشة متكية رمات مخدة لمريم: اسكت انتي يا فقسه و ضحكو اميرة جات بش تقعد ياخي لقات التليفون يضوي
اميرة: أهاااا هذا هاو مالك طالبني، 9 مرااات ووووه ما فقتش بيه يعطيني برااا عاد توا تو يعمل حاله و طلبت و حطتو على وذنها
عيشة: ما صوناش كان صونا راو سمعتو و قتلك
أميرة واقفة و يدها في جنبها و تطلب
مالك: قاعد ساقو ترعش موش منجم يخمم موش عارف شيعمل التليفون فيدو يستنا في رحمت ربي : اهاااه هاي طلبت و هز ديراكت و قام من على الكرسي و لولاد قامو معاه و عمر يحمد في ربي
كشاكشو طالعة ما نحكيلكمش
:ربك شتحب تصنع بضبط قليييي ااااااااااااااااه قووووووووووول
أميرة :وه مالك
مالك: أخرج من غاااادي توااااا سمعععععت توااااا، بش نبعثلك رقم بوك كلمو قلوعاللوكاليزاسيون متاعكم بش يجي يهزكم فيسع ما تزيد معايا حتى كلمه ورب تليفونك خليه محلول و آني عارف نهاار بش نباصي على ربك و علق و بعثلها الرقم

أميرة واقفة في بلاصتها تشلت صحيح ما فهمت شي أما عارفة خوها لا بدا يعيط و يربرب كان فما حاجة و زيد أكيد موش بش يغر بيها تلفتتلهم: قومو لازمنا نخرجو من هوني توا و دارت تلم في صاكها -أميرة لملي الفاليز يعيش أختي و لمو حوايجكم الكل ما تخليو شي -
وصلها رقم بوها بعثتلو اللوكاليزاسيون
يدادي في البيت يدو على راسو يمشي و يجي و ينفخ و التليفون في يدو يخزرلو يستنا فيها بش تبعث اللوكاليز، خايف على بنتو أكثر حاجة موش هامو الباقي ، صحيح كلام مالك المرة لخرى انبلو ضميرو و خلاه يراجع برشا حاجات اما بنتو عندو بالدنيا و قبل الناس الكل
وصلتو اللوكاليزاسيون خرج بالوقت مام پا حلها و شافها ، كمل هبط الدروج و بطبيعة ما لازموش يفوتها منغير ما تلقنو بكلمة ولا ثنين
فاطمة:هيييه كالسبة خرجت من جحرك ، بهيم شكون مات
طارق متعدي يزرب ، - أما لازم يسربيهالها بالشويا السيربريز موش دقو و شقو - : حضرلنا عشاء باهي الليلة جايينك ضيفان
ديمارا الكربة خلا كان الغبرة و فاطمة زادا