عشق محرم

الحلقة 142

تكسر فيالدنيا ..تدادي تمشي و نجي بعد ما شدت روحها مالصدمات لي كلاتهم ، تطلب و تعاود شي ما فماش ريحتو ، مليكة بحذاها تواسي فيها ، عينيها معبية بالدموع تبكي و تعيط و تكسر فلي جاء قدامها الكل ،يا ربي ما يصيرلو شي ، ياربي كان تصيرلو حاجة انا نموت ، والله يا مليكة نموت انا نعيش كان بيه يا مليكة ، والله كان تتمس شعرة منو ما تعرفش شيصير فيا يا مليكة اختي حس بيا ، دخلت في هستيريا هبطت على ركايبها تبكي و تقطع في شعرها ، و تدعي لربي بعديكا قامت : لا انا ما نجمش نستنا ،انا بش نمشي لبريطانيا نحوس عليه
مليكة تهدي فيها ، ما تعرش علاش حاسة بوجيعتها عاللخر قداه غايضتها ،اول مرة ترا اختها في حالة هكا ، حملتها و حطتها عندها و طاحت معاها في القاعة تبكي معاها و تهدي فيها ...

متحيرة على مالك ، بلي عمل فيها مزالت تحبو ، خايفة لا تصيرلو حاجة تمشي و تجي فالبيت ،حتى أشرف تلفتو ،تليفونها نوقز و هي ما عينها تحكي مع حد ، لقاتو رقم من برا ، عرفتو من بريطانيا هزت فرحانة :الو مالك

-يطلب فيها و ما توقعهاش تهز أول ما هزت تشوكا يسمع في صوتها و موش مصدق ، بعد السنين هذي الكل ، سمع صوت بنتو ، فرحان اما في نفس الوقت لا ، موش عارف كيفاه بش يجبدلها عالحكاية -
الوو
ما نجمش يحكي بعديكا شد روحو شويا: احم نور
نور: شكون معايا
: موش مهم تعرف شكون ، المهم انك تسمعني ، و نحبك تكون قوية بعد لي بش تسمعو (نور سكتت و قلبها يدق خايفة لا يقولو مالك صارتلو حاجة)حبيت نقلك انتي اول وحدة ، خاتر ، خاتر نعرفك قوية و تعرف كيفاه تتصرف و تقول لل...
نور : شفما يخي شصار يعيشك انطق
: نور عمك طارق ،.. الدواء من الله
نور وذنها رزنت بعد لي سمعتو
طيحت التليفون و هي مصدومة ، تحب ترجع بالرقت لتالي و ما تجاوبش على التليفون ، صحيح هو راجل خالتها ، اما كان طيب معاها برشا ، وكانت تحبو كيف بوها ولا اكثر ، اونتوكا لي عداتو معاه هو اكثر من بوها، و هو كان حاسبها كيف بنتو ولا اكثر مدللها أكثر من اميرة حتى ، صحيح يعرفها شيطانه اما ديما يتغاضى علي تعمل فيه ، و رغم لي هو اعداء هو و سي بوها

طاحت في القاعة ، تشوف في الدنا فلو ، ماعاش تنجم تفكر ، يا هل تبكي ولا تخمم في مالك و اميرة شبش يصير فيهم ولا تخمم كيفاه بش تقول لخالتها ، ليهي كان تسمع توا تموت
دموعها في جرت بعضها ، فمها محلول ، ريقها نشف في حلقها و دقات قلبها رزنت ، قامت مصدومة ، كيفاه بش تقول للجماعة تقوات على روحها و خرجت
هابطة في الدروج ، بدن يمشي ، الفم محلول و الدمع سيول ، بالدرجة بالرجة وصلت بحذا بسمة و مليكة ، لي كانت طايحة مع اختها في القاعة تلعبلها بشعرها بعد ما هدات، ضامة ساقيها و تترعد ، نور ترا في حالتها و ترا في الوضع اما لازمها تعرف ، لازم تقلها ، اصل موش فاهمة كيفاه مزالت واقفة على ساقيها لتوى ، كيفاه ما طاحتش تعيط كيما تعمل على اول مشكلة تعرضها ، ممكن خاطر بردت و ماعاش ياثر فيها شي، و ممكن خاترها مزلت موش مستوعبة ، خذات نفس بعد ما عضصرت عينيخها مالدموع لي مخلينها ترى الدنيا فلو
خاالتي ( بصوت ذابل و قلب يتقطع ) البر... بلعت ريقها ، البركة فيك خالتي قالتها بصوت ذابل
هزت راسها تسمع في الكلمة لي دخلت تزن في وذنها ، الكلمة لي جرحتلها وذنها و ما حبتش تدخل
هزت راسها تتحرك سلو، يديها قي القاعة شادا بيهم روحها دموعها تنشفت موش عارفة كانت تحلم ولا الصوت لي خرج بالحق