عشق محرم

الحلقة 124

يمشيو فالشارع الحوايج و لاي ساك فيديهم ،يحكيو ويضحكو ، لين تعدا من بحذاها ، الضحكة لي كانت مشات دارت معاه و بقات تخزرلو اي هو والله هو ،
اميرة ترا فيها و موش عارفة شبيها فجأة تقلبت :مريم سافا
مريم : هو اميرة والله هو
اميرة: يا بنتي شكونو فسرلي
مريم: اميرة ما عندي ما نفسرلك لازمنا نخلطو وراه قبل
و مدت يدها :taxi
اميرة موش فاهمة شي ركبو الزوز و قتلو تبع هذاكا لي لابس بالنوار، كبوط طويل و كوستيم نوار و شوميز و بلاش كرافات ، كيما كان يلبس قبل كيف كان بخدم عند بوها
فاطمة و عيشة فالبلكون صانعين جوهم رغم اللي عيشة حاملتها بالسيف
تليفونها نوقز
فاطمة: اهاا سمحني مدام عيشة نهز على ولدي و نرجع دورت كرسيها و مشات
: امم شنحب ماو لاباس تطلب فيا
: مدام انا قريب للدار بش نجيك اهبطلي عندي ما نحكي معاك
فاطمة مخها تقلب : فاش تحكي ، فاش قام جايني لداري ماو لاباس، ياخي تحب تباصينا ولا شنوا
: سامحني مدام هذي اوامر سي انطونيو هو لي قالي لازمني نجيك الموضوع موش متاع تليفون
و علق
مريم: وه ياخي وين ماشي هذا
أميرة: والله موش عارفة اما هذا طريق دار فاطمة ، مريم تنجم تقلي شقاعد يصير و شكونو هذا
مريم: اشسشت يا أميرة موش وقتو ، لاااااا والله مشا لدار فاطمة ياخي منين يعرفها
مريم مخها بش يتحرق وقفو التاكسي بعيد و بقاو يخزرو
فاطمة هبطتلو و مشاتلو،
عيشة من فوق تخزر لفاطمة و هي ماشيتلو اما وقفت تحكي معاه من ورا الباب الحديد ، ركزت في وجهو حبت تثبت فيه اما ما نجمتش
مريم: باز موش غالط في الدار ، لااا يا ربي لاا لاا
-مريم مصدومة ، موش مصدقةلي قاعد يصير، يا ربي شنوا هذا، شنوا لي قاعد يصير -
فاطمة قدمتلو و بقات تحكي معاه
أميرة: ظاهرة تعرفو عالاخر ذادا حكاياتهم موش متع واحد ما يعرفهاش تحسهم يكنبنو موش يحكيو نورمال، و توا يا مريم قلي شبيك
مريم قدت مركزة، خرج جواب من كمو تلفت يمين و يسار و مدو لفاطمة حتطو تحت كاشكولهادارت و مشات
مريم نهارت دموعها على خديها و عينيها محلولين تحكي بينها و بين روحها
- يا ربي ما يطلعش لي في مخي صحيحلا يا ربي لا راني عبتك ما نتحملش-
اميرة: يا مريم شبيك
مريم دارت لاميرة : قلو يبعدنا من هوني فيسع
مشاو هبطو عالبحر مريم مشات ترمات علي كرسي الكراسي لي موجودة عالطريق ،طيشت روحها تحاول تستوعب لي راتو و خايفة لا لي في مخها يطلع صحيح
اميرة شرات دبوزة ماء و خلطت عليها
عينيها محلولين معبين بالدموع تدعي في قلبها يطلع لي في مخها وهم
قعدت بحذاها و مدتلها تشرب شربت و تنفست
أميرة: مريم تنجم تحكيلي توا بش كان فما حكاية ندخلو فيها الزوز و نحاولو نفهموها
مريم: اميرة ، اميرة هذاكا نظال من رجال پاپا كان يخدم عنا هو الشوفور متاعو و أقرب الرجال ليه و يدو اليمين ، كان يعنل عليه في كل شي و هو لي جاني للمكتب و خرجني مالكلاس و هو لي وصلني لأمي عيشة و قال لي مامما و پاپا تحرقت بيهم دارنا و توفاو، اماة شيعمل مع فاطمة ؟ تتنفس تبلع في ريقها و تشرب في الماء
أميرة شردت مع كلامها، شنوا لي يخلي واحد من رجال بوها قبل يجي لدار فاطمة و ياقف يحكي معاها بالساعات و يكمل يمدلها جواب بالسرقة
أميرة: مريم انتي ريت داركم محروقة،
مريم: لا ،
اميرة :مزلت تتفكرها داركم فين
مريم: اي بطبيعة حافظتو بل... مزلت ما كملتش جملتها
أميرة: قوم

(و بالمناسبة مبكروك علينا و عليكم لايزالجيريان و ربي معاكم في الفينال💚.❤️)
و نحبكم برشا برشا ، برشا 💚🇩🇿❤️🇹🇳