عشق محرم

الحلقة 155

قاعد في القاع ضام ساقيه عينيه حمر جمر، و هو يخمم ، كيفاش بش ينتقم ملي عمل في بوه هكا ، يخطط و ألف حكاية في راسو دموعو على خديه و يدعي لبوه يقوم لاباس و حالف لي بش يدفع أي واحد عندو يد في الحكاية ، الفرحة عامة دار العايشي و أميرة ضربة ثنين تطلبو: اا مالك شنوا توا صافا
مالك: أميرة يعيشك يزي راني كيفك أنا زادا تو كيف تبدا فما حاجة نكلمك و علق
أميرة تمشي و تجي في البيت كان هي و أمين البقية ما فيبالهمش لي هو مضروب برصاصة زيد أميرة ما حبتش تفسد فرحة أمها لي رجعت فيها الروح لكل مشا فيبالهم لي هو طايح في البحر و أكهو ، قاعدين في الصاله و بسمة تدادي فوق الكرسي منها فرحانة إنها لقاتو  و منها خايفة لا تخسرو في أي لحظة
مالك هكاكا و يرا في الطاقم الطبي جاي يجري دخلو يتجاراو لبيت طارق و مالك موش فاهم شي ، مالربثة قام و ما يقول كا في بابا بابا
أنطونيو كان البرا يرا فيه كيفاش ولا يتهز و يتنفض دخل يجر
: مالك، مالك هدي روحك أهدا يعيشك
مالك ما يقول كان شيبني ، بابا بابا
أنطونيو عنقو و حاول يهديه و مالك قوا في البكاء ، قلي لي هو بش يعيش، قلي لي هو ماهوااش بش يموت ، يهدي فيه هكاكا و خرج الطبيب
: نحب نقلكم الي المريض جاه نزيف، أما الحمدلله نجمنا نوقفوه ، لازمو يرتاح الليله و غدوة انشالله تنجمو تشوفوه
أنطونيو يعيشك دكتو مالك كيف قالو الطبيب هكاكا قلبو رتاح و مشا قعد و أنطونيو جبد الطبيب على جنب بش يحكي معاه : قلي دكتور ، ياخي موش قلت رواريه تعباو بالماء ؟
الطبيب : واللهي اشبش نقلك ، اي هوما تعباو بالماء و أحنا عمل الازم و زيد المريض قاعد يعاون فينا برشا و بدنو قاعد يستجاب للدواء و هذي الحاجة لي نفعتنا، يعني تنجم تقول تجاوز مرحلة الخطر و توا ما عنا حتى حال كان انا نستناو
أنطونيو شكر الطبيب و رجع بحذا مالك
مالك يعش بكلو: الا ما نحاسبو، والله الا ما تتكلفلو غالية ، حسام الكلب الا ما نوريك فيه
أنطونيو طبطب على فخذو: ما تخافش ، أنا زادا مانيش مفلتو و ماهياش بش تتعدالو بالساهل الفايدك توا بوك يقوم لاباس و بعديكا نشوفو شنوا نجمو نعملو