عشق محرم

الحلقة 23

أميرة: بفففف يا مالك شبيك توا نتي كهو عاد الكرهبة تصلحت و روحنا ما فهمتش شبيك قالب وجهك
مالك: من بهامتك للا قالب وجهي خارجلك عقاب الليل و مضيع الطريق و طالع للسماء السابعة و خايف عليك  فيبالي الكرهبة طاحت پان ولا درا شبيها ياخي تطلع ناقصة ماء ياخي ما تتفقدش للا كرهبتك قبل ما تسوقها علاه شايحة كاكة قريب تتكلم 
أميرة : مالك بربي فك عليا منين نعرف أنا فيبالي كيف ما حبتش تخدم الباطري راي وفات و خليني لاهيا في همي توا الطالون ضارب فيا كيفاه شنكمل نطلع الدروج بفففف خنحيه خير رجلي تفلقت
منى...منى...تي وينك ااا
أميرة بقات تنادي على منى و مالك طلع دخل لبيتو  تصدم بقا حال فمو
مالك: أمين ياخي لاباس في مخك
أمين : أأأ مالك جيت
مالك : أمين نكلم فيك ياخي هبلت إنتي
أمين: مالك ياخي شبيك
مالك : و تزيد تسأل زادة مصح رقعتك
أمين: مالك شبيك والله فجعتني قلت بالكشي عامل عملة و ما فيباليش
أمين كان خايف لا يطلع مالك فاق بيه أما تمالك أعصابو باش ما يشلقش
مالك: لابسلي الكاپ دوبان متاعي لي ناقش عليه إسمي بالذهب و فيبالك ماكش عامل شي و تسأل زادا تي أنا لتوا ما لبستها زيد أغلا منك الكاپ دوبان أذيكا نقشتها في أمريكا و موش وصيتك باش تلبس لخرا لي فالصال دو بان شمجدك في هاذي من ڨاردروبي
أمين تنفس كيف سمعو يحكي عالكاب موش على نور
أمين: بففف صار هذا علاش نتي فيبالي درا شفما
مالك: بلاهي ، مسيتلي الڨاردروب متاعي و مسيتلي حوايجي و ما فما شي ، نورمال معناها تي شتحبو يكون فما أكثر من هكا
أمين: لي يسمعك تحكي هكا يقول سرقلو حوايجو وهي جرد كاپ دوبان لبستها و سلف أون+ زيد ما لقيتهاش لخرا و كي حليت لخزانة أول وحدة عرضتني هذي ياخي لبستها
مالك: معاش تعاودها أذي جرد أك الجرد لي تحكي عليها بزوز ملاين
أمين : شنوا
مالك: أي بابا موش قتلك تشريك و تبيعك زيد كيفاه ما فماش الكاب لخرا ساعة قبل ما تدخل تتدوش ثبت فيها ياش سيادتك ما تمسليش هذي و ريتها معلقة
أمين دخل بعضو و خاف لا يشدو بالكمشة
مالك مشا للصال دو بان باش يتأكد حل الصال دوبان و كانت الصدمة الثانية و الكبيرة