عشق محرم

الحلقة 12

البارفان تعطرق من بعيد الشعر بالجال لابس مريول بلو مارين سروال نوار و صبادري بلو طلع في الكرهبة و ديمارا فرحان عاللخر باش يقابل مريومتو
الطفلة لي ملاتلو قلبو موش كان قلبو و مخو زادا تعدا على مرا تبيع فالود خذا بوكاي روج و بعديكا تعدا على الباتيسوري خذا 2 كيلو حلو و خبزة ڨاتو و مشالها للدار وصل قدام الدار هبط يعيط على عيشة حلتلو الباب : يا مرحبا يا مرحبا زارتنا البركا هاك عندك كلمتك ههه
مالك: توا هكا أمي عيشة بطبيعة عند كلمتي و لي عطا كلمتو عطا رقبتو أما سامحني نسيبتي مما ما نجمتش تجي معايا اليوم خالتي جايا من فرنسا و لازم تعرضها في المطار و پاپا عندو خدمة أما بطبيعة بش يجو معايا المرة الجايا
عيشة: إي بطبيعة ولدي ميسالش و مرحبا بيهم في كل وقت زيد خلي ياخذو وقتهم شويا ويربصو رواحهم خاتر جتهم على غفلة لحكاي
مالك.:ممم ... أي أمي أي عندك الحق
مالك ما كانش معاها كان يطل الداخل فماشي ما يرا مريم
مالك: أيا تفضل نسيبتي هذايا ليك أما هذا لخطيبتي (مدلها الڨاتو والحلو و يحكي عالبوكاي دو فلور)
عيشة: أووه يا وليدي ما كاركش تعبت روحك و نتي ملي عرفت مريم ونتي كان الشقا حتى أول ما ريتها كنت دايخه
مالك: دايخه....مالك كان بش يحصل وبعد تفكر الكذبة...أأأأ أي أمي ريت بربي ههه
ياخي ويني هي
عيشة: مازالت راقدة و هذيكا تفيقلك تو
مالك : هههه خليها ميسالش
عيشة: أقعد ولدي شبيك واقف نعملك قهوة
مالكحط البوكاي فوق الطاولة وقعد : لا يعيشك نسيبتي الغالية ما تعبش روحك
عيشة:كلام توا هذا راك ولدي الغالي قلو تعب
مالك: ههه عيشك نسيبتي
دخلت عيشة للكوجينة طيب في قهو لمالك قعد مالك يبعث في مساج المريم باش تخرج هو مزال يكتب وهي خرجت تحك في عينيها مزالت بالنوم لتبسة خلعة طايحة على كتفها و شورط تع نوم شعرها الحريري كان مسيب كانت ياسر محلاها حتى في أسوأ حالاتها
مريم: أمي ياخي وينك و شكون لي كنت تحكي معاه و....
اعععععععع صار نتي هوني شبيك ما تكلمتش مريم رجعت تمشت تخبات بالباب و بقات طل عليه و تكلم فيه و هو شايخ عليها
مالك يحكي بشوية: جيت شنبعثلك مساج بش تخرج من بيتك ياخي هاك طلعت تحس بيا و خرجت منغير ما نقلك و بيناتنا كي ما قتلكش خير و غمزها
مريم: هاهاها تتضومر
مالك: ههه لا خاتر كان بعثتلك مساج راك خذيت إحتياطاتك و ما خرجتش هكا
مريم :شتقصد بهكا
مالك: علاه متخبية نتي ورا الباب كي لبستك نورمال غمزها
مريم حمارت و دخلت تجري تشوف حاجة تلبسها