عشق محرم

الحلقة 78

صباح جديد،شمس جدية،و هواء جديد..
راقدة فوق الكرسي بحذاها امها متكية على جنبها..أمين: أميرة....أميرة
اميرة فاقت : مم اميييين ياخي شتعمل هوني
تحكي و تتكسل
طلبت مالك الصباح قلي لي نور فالكلينيك صافا ياخي شصارلها
بسمة: ااا امين..ولدي انتي لهناا
امين :اهلا أمي -و هبط راسو سلم عليها -
اميرة: عملت اكسيدون و عمر قال لي لازمها عملية و هاو عندو قرابة 4 سوايع توا و مزال ما قاللنا شي
امين: أهااااا صار عمر يخدم ياخي موش روح معايا البارح
اميرة؛ احم...امين ايجا نخرجو نشمو شويا هواء هيا و قامت تدز فيه..امشي قدامي..
بسمة عرفت لي مخبين حاجة اما ما حبتش تسال و قامت مشات تطل على مليكة لي مزالت مخدرة ما فاقتش
اميرة: تي شبيك امين ما تشدش لسانك
امين: ااا سامحني اما ياخي انا شعندي قلت
اميرة: باللهي سي امين و كان تقلي بسمة فين تقابلتو لبارح شنوا تحبني نقلها نقلها لي مشيت نجيب في الخيت ولدك و زيد تعرفني ما
نجمش نكذب
امين: اممم...باهي باهي انا جيست بهت في عمر وقتاه روح ووقتاه مشا يخدم لا و ما قالش
اميرة: رييت انا زادا ما قليش
امين: بلاهي وقتاه تحبو يقلك و انتي مارجتو ما خليتوش يحكي معاك كلمة..شعلينا تو نور ساڥا؟
أميرة: هي سافا جيست كرهبتها تقلبت و كهو
امين: نورمال تو انتي...و كهو! شنوا تحبو يصير اخر
اميرة:افف امين كي تكبش ني نقصد ما تحرقتش الكرهبة و ما صارلها شي خرجت كالحصان تبارك الله جيست عندها ضربة صغيرة في راسها على جنب
امين: هي باهي طمنتني...مالا العملية على شن......
قصت عليه اميرة: و نزيف داخلي في راسها ولا في دماغها والله ما نعرف ..كهو
امين بدا يعيط: ياااا....ياخي نورمال نتي... الطفلة تنجم تموت في اي لحظة و هي تقلي كهو...امبوسيبل...و شمقعدنا احنا اللهنا ايجا ندخلو نسالو فماش خبر عليها
اميرة ترا في امين كيفاه داخل بعضو و خايف، يعيط وجهو احمر و يرعش، عرفت فما حاجة اما ما قالت شي امين سبقها و هي و راه و أشرف جاي من غادي عيط عليها: امييييرة
تلفتت لقاتو هو عرضتو: اهااا أشرف ..شتعمل هوني هاك رجعت..
سلم عليها: ما عطانيش قلبي نبقا ما نطلش عليها سافا هيا
اميرة: والله ما نعرف أشرف قالو لي حالتها خطيرة والله اعلم أشرف
خاف كيف قالت حالتها خطيرة و دخل هو وياها