عشق محرم

الحلقة 101

أميرة رجعت للأوتال تاعبة عاللخر دخلت عملت دوش و خرجت، الروم سرفيس جابولها الفطور كلات و رقدت طول ما تفيق كان على صوت التليفون نيميرو غريب و زيد شكون لي يعرفو رقمها البريطاني الجديد اما اكيد موش مالك خاتر رقم بريطاني، اميرة شكت بطبيعة لازمها تحطاط من كل شي ديراكت خذات البيساي و لوجت على تسجيل متاع راجل يحكي فالتليفون هي حاجتها جيست يقول ألو حضرت روحها و هزت التليفون
:الوو( اميرة خبرة في الفازات هذي)
بعد ما قست التسجيل عرفتو دالي
كان فيبالها ما تهزش ماللول

دالي: ياخي موش رقم اميرة هذا
اميرة: احم وي دالي صار هو انتي
دالي : اهلا اميرة، ياخي شكون لي معالك
اميرة بكل ثقة: حتى حد ( بعديكا تذكرت فازة التسجيل صلحت روحها) ٱٱٱ،أحم ساي مون كوزان
دالي غار شويا بطبيعة: اممم باهي ياخي ماكش جاية
اميرة: وين( بعديكا تفكرت الحفلة) ااا لا وه يجي منو هه جاية بطبيعة هاني نحظر في روحي
دالي فرح ضحك : ههه باهي، نستناك
أميرة: اوك نخليك, اممم حقاا دالي
دالي: نعم
اميرة: اممم،، منغير ما تكلمني ، خاتر منيش شنهزو التليفون ممم ماك تعرف هه رووب والكل ما نجمش نهزو في يدي، و ما تقلقش روحك هاني قريب نخرج
دالي فرح كيف قالت روب موش متخيل روحو يستنى وقتاه يشوفها دوب ما قتلو روب سرح يتخيل فيها كيفاه بش تخرج
اميرة: الو الو دالي، مزلت معايا
دالي فاق من سرحتو: امم، وي وي اميرة معاك نقصد نسمع فيك تي فهمت باهي باهي تهنا منيش بش نطلبك اما، اما الادراس كيفاه نقصد تدلها تنجم تطلعها وحدك
اميرة: هه بالطبيعة وه ماللي قريتها عرفتها وين هه ما تخافش بريطانيا نعرفها نقبة نقبة، معناها نجم نخلي تليفوني عند مون كوزان منغير ما نخاف
دالي: هه اي يا بنتي ما عندك مناش تخاف منيش بش نطلبك المهم نتي ما تبطاش

اميرة سكرت التليفون و رماتو فوق الفرش وقامت :اففف السخطة هذا، اوف ملا حالة فيه، ملا بوهالي جدت عليه لي انا جاية ملا بوهالي
اميرة طلت مالبلكون لي هيا تطل على بريطانيا الكل 😍
اميرة: ياا هاو طاح الليل، رقدت و ما فقتش بروحي، لاما حالا اك البوهالي عمل المليح كيف طلبني ماكانش راني تعديت فالطويل و نسيت روحي، تلبس ووتحكي
( البنات موش تحضر في روحها للحفلة لا ما تخافوش ملي روحت مام پا خزرتلها الورقة ولا قرات الادراس تحضر في روحها عندها پلون في مخها و لا مالك لا امين لا عمر فيبالهم )