عشق محرم

الحلقة 86

هوما اكاكا و دق الباب
عمر: ادخل
الفرملية: دكتور، المريضة حضرت، ينجمو يمشيو يشوفوها
عمر: مرسي مدموازال ، يعيشك ايجا عاون المدام بش تقوم
هياو يا جماعة
اشرف ما لقا ما يقول :اااا مداام هكا خليني نمشي انا هو جاء يمشي شدتو مليكة: لاا ما تمشيش، ايجا معانا حتى نتي، و زيد نعرف لي نتي متحير عليها و تحب تراها و تطمن عليها
اشرف وجهو حمار،بسمة غمزت مليكة كيفاه وجهو حمار،
اشرف حشم عللخر ما لقا ما يقول
عمر خزرلو بمعنى اي امشي معاهم

وجهها اصفر، فمها ابيض، عينيها محوقين ظاهر تاعبة عاللخر اما كوم مام ما حبوش يخليو امها متحيرة عليها
دخلو للبيت نور فرحت كيف شافت امها تبسمت تبسيمة معبيه بالدموع في نفس الوقت كملت تفكرت كيفاه امها تخلات عليها
مليكة ترمات على بنتها تبوس و تحمل و نور تبكي

ياخي شبيك نتي هبلت، نورمال تعمل هكاكا اعرف كيفاه تتصرف يا زااحي العقل تكسابوش جملة
امين: باللهي فك أميرة، طلعلي العصب، انا ماللول فيباليش بيه هو لي لقاها نور اصلا ما سالتش حتى كيفاه صار الاكسيدون، فيبالي يقربلها ولا يقرب لامها حاجة هكا، طلع السيد هو لي جايبها للكلينيك، لا ويحكي فيها زادا، افففف قداه نرفزني،
اميرة: اي ونتي بصيفتك شنواا تصرب فيه،اااه؟ قلي تره؟ ديما تتصرف من مخك هكاكا خليت الجماعة الكل يشكو فيك، و باللهي سامحني، شتحبو يعمل تره كيف يلقا وحدة مطيشة في الطريق و عاملة اكسيدون، يخليها و يمشي مثلا و يعمل روحو ما راهاش،بطبيعة بش يهزها و يجيبها لهنا صاڥا پا ياخي ففف ملا حالة فيك، تعلم ما تتسرعش امين و قرر قبل ما تعمل حاجة و دورها في مخك و شوف اخرتها شنية، موش ترمي روحك هكاكا للمشاكل و بعديكا وين ترصي ترصي
امين سكت بقا ياخذ في نفس و يهدي في روحو
اميرة: و قلي انتي الساعة منين طلعت حكاية نور هذي
امين: اااا؟.. اما حكاية؟؟
اميرة: سي بون امين كل شي تكشف، و زيد بعد لي عملتو الداخل عايلة كلها ولات تعرف انك مضروب فيها كان موش تحبها
امين: بالحق اميرة ياخي شلقت انا؟
اميرة: امممم، اي نعم سي الشباب مالا شفيبالك، قمت تعارك في الطفل هكاكا لا طاح لا دزوه على خاطرو جاب نور للسبيطار شتحبهم يفهمو تره؟ -وحطت يدها على وجهها
امين: اففف ملا عملة الزح
اميرة: ممم صحيتك، قداه من مرة نقلك تصرف برزانة و اعمل عقلك في راسك، ملا دخلة دخلتها لمليكة، توا برى تصرف كيفاه تركحها كان حاجتك بنور ،عالدخلة لي دخلتهالها لازمك تجيبلها نجمة مالسماء توا و شوف و شوف ترضى بيك، خالتي و نعرفها
بيب.. بيب
اميرة تلفتت: اهاااا هاو مالك اذايا -قداه فرحت بخوها و فرحت لي هو لاباس و نجم يخرج-
مشاتلو و امين بقا في بلاصتو، هايم يخمم كيفاه شيتصرف
اميرة جات هي و مالك و عمر خرج: امين، فينكم نور هاي قامت امين تنطر من بلاصتو : بالحق اعمر، نور فاقت،و،، و لاباس هي توا عمر: وه امين شبيك اي اي هي لاباس
امين: تلفت لاميرة : امييرة نور فاقت
اميرة: اهااا الحمدلله و خزرت لمالك لي يمشي بجنبها : اسمعني موش لازم تبدا تعيط كان تقلك حاجة هكا ولا هكا باهي ادخل ونتي ساكت، و كان درا شتقول طفيها
مالك فادد و ما عينو في شي هو جاء على مصلحتو موش على نور اما ما حبش يقول شي قدام اميرة يعرفها كيف تسكنلو في مخو، و حتى مريم يبطل ما يلوجشي عليها
مالك: باهي يا اميرة باهي