عشق محرم

الحلقة 48

بيب بيب بيببيببيب بيب بيب بيب بيببيببيب
أميرة كانت البرة هي سمعت حس الكراهب و هي دخلت تجري :أمي عيشة، مريم، هام الجماعة جاو
مريم تهزت و تحطت و عيشة قامت تزغرت هي و جارتها حظرت البخور و مريم دخلت تجري للبيت هي و أميرة
كرهبة مالك ،بسمة وراه و عمر ورا بسمة و طارق في الأخر أصلا مزال ساق التالي و10 القدام مزال خايف لا يصير لي يدور في مخو يمشي بالشويا بعيد عليهم برشا و قاعد يخمم مخو يهز فيه و يجيب موش عارف شيعمل
مالك و الجماعة وصلو و حبسو قدام الدار هبطو و بقاو يريقلو في رواحهم مالك شادو التراك و يخزر للولاد و يقلهم واتاتني اللبسة تي نقصد مريڨل هكا،لولاد أمان ساڥا هكا
عمر شايخ عليه بالضحك و أمين موش معاه جملة
يحوس على نور بعينيه لتوا ما راها
طارق حبس بعيد شويا و هبط
عيشة: ورررررررررررري تبارك الله على راجل بنتي و دور عليه في كانون البخور مالك سلم عليها و دخل و بقا يقدملها في الجماعة بالواحد بالواحد خلاهم يسلمو عليها و بقا يبربش بعينيه على مريم قداش متوحشها و متوحش صوتها يحب يعنقها  و يقلها توحشتك
عيشة بقات تسلم على الجماعة:أيا تفضلو تفضلو زارتنا البركا..... ياخي وينو بو العروس؟
بسمة: هاو خالط علينا مالك عيش ولدي شوف بوك وين؟
بسمة و مليكة بقاو يحكيو مع عيشة و أمينة و يسؤلو على مريم و عمر و أمين قربو كراسيهم و بقاو يحكيو أذاكا يسأل على أميرة زعما زيني و لاخر يحب يرا نور مستغرب علاش ماجاتش
طارق يقدم بالخطوة بالخطوة خايف ماللي يستنى فيه و قلبو مقبوض هو جاء شيدخل  ..