عشق محرم

الحلقة:121

مالك طلب أميرة
أميرة كانت مع مريم يركو فالدبش و تحكيلها
أميرة: بفففف بلاهي لحظة خنشوف لخرااا شيحب
مريم : شكون
أميرة: و شكونو مفسد الحكايات و القعدات ، كان سي خويا
مريم فرحت
أميرة : امم شتحب
مالك: هكا تحكي مع خوك( و عكا عليها )شتحب هكا يقولو ينات العايلات المحترمات لخوهم
أميرة: بفففف بلاهي شتخرف نتي ناقصة مصاتك انا تواا،
مالك: باهي بركا مما مرجتني تحب تكلمك و تعرف estceque, نتي و پاا وحدكم ولا ،تي نقصد مع بعضكم فهمت ( حب يوصللها بش ما تذكرش عيشة و أميرة فالحكاية) و أميرة بطبيعة فهمت
اميرة :اممممم ، ياااا ممااا ويني والله توحشتها
مالك: ايا هاي معاك حتى هي كلاتني من بكري بش نحل الهوت بارلور
بسمة: تي سيب السفا لهوني اللصقة هذا احم اميرة بنتي وينك
أميرة: اههاا مما ، والله توحشتك يا مما ، توحشتك برشا
بسمة: اي توحشتني نعرف،(بسمة تتمقصص) شبيك ما قتليش لي نتي ماشية لبريطانيا
أميرة: وه يا ماا تي ماك تعرف خدمتي، وين تجيني ميسيون لازمني نمشي، ياخي بش نبقى نوزع فالخبر لي انا ماشية ، اون بليس جاتني في زربة الحكاية
بسمة: باهي بركا الصبر منها هالخدمة، و بوك وينو
اميرة: اه ، اممم پاا ، هاو فالبيت الأخرى
بسمة حستها تكذب قصت عليها،:عديهولي
أميرة: أه
بسمة: أميرة قتلك عديهولي
أميرة تي ايييه يا ماا شبش يهزني للشنمبر متعاعو
بسمة: علاه ياخي ماكمش فالفيلا نتوما
أميرة : لا يا ماا، ااا في اوتال و هاني ماشيتلو
أميرة خرجت ، پااا، پااا دقت الباب و دخلت
طارق فرح فيبالو بش تحكي معاه : أميرة
أميرة غمزت طارق: پاا مما فالتليفون تحب تخكي معاك و تشوشلو؛ قلها لي نحنا في أوتيل أه و ما تقولش عيشة و مريم معانا
بسمة تسمع في صوت طارق و موش مصدقة، والله هو و الله قال أميرة ، سمعتو و حطت يدها على فمها و عينيها بالدموع
مالك قام :اممم نخليك مما احكيو على راحتكم
بسمة موش معاه
طارق قال بسمة و هي ماتت بالبكاء ،
طارق: بسمة يعيشك سامحني يا روحي امانك سامحني
أميرة حست اللعب حراش خرجت هي زادا
طارق: والله ما كنتش عارف شموا نعمل (يحكي و هو يبكي )، سامحني يا بسمة، اما نحبك تعرف والله موش أنا لي قتلتو راجل عيشة، صحيح نكرهو ، أما ما قتلتوش ، انتي تعرف يا بسمة موش هكا نتي تعرف لي انا مستحيل بش نقتل، بسمة تكلم امانك قول حاجة، عيط عليا و سبني ، عايرني قول اي حاجة ، المهم ما تسكتش أمانك يا بسمة ماتسكتش( يحكي و يبكي) راني نتعذب يا بسمة