عشق محرم

الحلقة 113

يا روحي شوف هذي محلاها، شقولك فيها
مالك: انتي لي تلبسو يواتيك يا عمري
أميرة تدور و تشوف و مريم وراها شاده التليفون تحكي معاه
أميرة فدت عاللخر: أوووووف عااد و دارت لمريم
مريم سيب نحي هات التليفون لهنا أخزرلي هنا سي مالك توا بش نسكر التليفون و توا كيف نروحو نطلبوك أحنا سمعتني ولا و توا باي مالك : اميي...
اميرة: اخزرلي هوني نتي توا بش تركز معايا و تختار منغير ما تخمم في اكا الوشقة خويا خلينا فيسع نروحو مزال عنا ما نعملو راو
مريم تدلل اووووف يا اميرة تي علااه بففف
اميرة: امشي ورايا و اسكت
قضاو و روحو لعيشة و شراولها برشا حاجات محلاهم و دخلتها اميرة دوشتلها و جرجتها
تنشفلها في شعرها: صحه امي الغالية
مريم ما تحشمش نتي تقول امي قدامي
عيشة: اميرة سامحني بنتي
اميرة: امي ما تقول هالكلام على شنوا بش نسامحك
عيشة: انا غلط في حقكم نتي و مالك نشالله تسامحوني صحيح انا نكره بوكم و عمري ما حبيتو و لا بش نحبو اما نتوما ظهرت غالطة فيكم انتوما ماكمش
اميرة جات بحذا عيشة و قعدت: امي عيشة ميسالش نسالك
ياخي شنوا عملك پا، علاش تكرهو اسوبوان
عيشة: بنتي صحيح هوا بوك، اما بوك انسان خايب برشا، ما نحبش نكرهك فيه، بوك الانسان لي حرمني من راجلي
اميرة: ياخي هو لي قتل عم احمد (قالتها بصدمة)
عيشة: ما نعرش اما لي نعرفو و متاكدة منو انو عندو دخل في موتو و هو لي لم الحكاية و ما حبهاش توصل للحاكم بش ما يحققوش في موتو خاترو مات بكرتوشه في راسو ملي دخل احمد يخدم عندكم و هو يكرهو كره العما، شنوا عمللكم، تي حدو حد روحو يلقط في خبزة بش يوكل بيها مرتو و بنتو و ما نباتوش للشر، احمد كان ديما يحكيلي لي هو يكرهو و حاملو بالسيف عندهم خاتر جدك ملزمو عليه، جدك كان يحبو موش نورمال كان حاسبو صاحبو و اكثر من خوه حب يعاونو و يخدمو عندو