အသက်ထက်ပို​သော(Completed)

အသက်ထက်ပိုသော(၅၀)

"ဗိုက်ကလေးရေ သံလွင်ဆီလိမ်းမယ်ဗျို့"

မိုးသောက်သည် သံလွင်ဆီဗူးကိုကိုင်ပြီး ဗိုက်ကလေးအခန်းထဲသို့ဝင်လာသည်။ ဗိုက်ကလေးကခုံပေါ်မှာမထိုင်ဘဲ အောက်မှာစိတ်ကြိုက်ထိုင်နေပြီး Handmade လေးတွေကို ကိုယ်တိုင်ထိုင်လုပ်နေသည်။

"ဗိုက်ကလေး အပေါ်မှာဘာလို့မထိုင်တာလဲ"

"ပစ္စည်းယူရတာအဆင်မပြေလို့"

"ကဲ သံလွင်ဆီလိမ်းရအောင်"

ရှစ်လကျော်ဆိုသည့်ဗိုက်ကလေးကအတော့်ကိုပူနေပြီဖြစ်သည်။ အမြွှာကိုယ်ဝန်မို့လို့ သံလွင်ဆီလိမ်းပါသော်လည်း ဗိုက်ကြောပြတ်တာကိုသိပ်ပြီးမကာကွယ်နိုင်ပါ။ ခွန်း ထမင်းစားပြီးတိုင်း ဗိုက်ထဲမှာအငြိမ်မနေကြဘဲ ကန်နေကြသည်။ တစ်ခါတစ်လေကန်လိုက်ရင် ဗိုက်တောင်နာသည်။ သံလွင်ဆီမလိမ်းပေးခင် ခွန်း၏ဗိုက်ကလေးကိုနမ်းလိုက်သည်။

"အိစ် ယားတယ်အစ်ကိုရဲ့"

"နေ့တိုင်းနမ်းနေကျကို ယားတုန်းပဲလား"

"မသိဘူး ... ကလိ ကလိနဲ့ယားတယ်"

မိုးသောက် လိမ်းပေးနေချိန်တွင် ဗိုက်ထဲကဘောလုံးသမား‌လေးကတစ်ချက်ကန်သည်။

"ဟေ့ကောင်လေး ငြိမ်ငြိမ်နေလေကွာ၊ မာမီနာတာပေါ့ကွ၊ အခုမကန်နဲ့ဦး၊ အပြင်ရောက်လာမှ ဒယ့်ဒီ့ကိုကန် ဟုတ်ပြီလား"

"အဲ့တာခွန်းနဲ့တူလို့ဖြစ်မယ်၊ အခုနောက်ပိုင်း ကန်တာအရမ်းကြမ်းတယ်"

"မွေးခါနီးမို့လို့ထင်တယ်"

အက်ထရာဆောင်းရိုက်ကြည့်တော့ ဗိုက်ထဲကအမြွှာလေးက ယောကျ်ားလေးတွေချည်းပဲ။ ကလေးတွေကအရမ်းထွားတယ်။ ခွန်းရဲ့ကိုယ်ဝန်ကလည်းသဘာဝအတိုင်းမဟုတ်တော့ ခွန်းအတွက်စိုးရိမ်ရတယ်။ မိုးသောက်ကနေ့နေ့ညည ခွန်းဘေးနားမှာပဲနေပေးတယ်။ ခွန်းကိုမျက်စိအောက်ကအပျောက်ကိုမခံဘူး။

"အစ်ကို ခွန်းအိပ်ချင်တယ်"

"အင်း ကိုယ်လက်ကိုကိုင်ပြီးဖြေးဖြေးလေးထနော်"

ခွန်းကိုဘေးနားကနေတွဲပေးပြီး ကုတင်နားအထိလိုက်ပို့ပေးရသည်။ မွေးခါနီးမို့ ခြေထောက်ကလေးတွေကလည်းဖောနေပါသေးသည်။ သွေးပေါင်ချိန်လည်းတက်လို့မရတာကြောင့် အစားကိုလည်းသေချာဂရုတစိုက်နဲ့ကျွေးရသည်။