သျှင်းသည် ကုတင်ပေါ်မှာတင်လွှဲထိုင်နေပြီး ရာရာလေးနဲ့မျက်နှာချင်းဆိုင်စေလိုက်သည် ။ မျက်ရည်လေးတွေဝဲပြီး မီးရောင်မှိန်မှိန်အောက်က ကလေးငယ်သည် သိပ်ကိုလှပလွန်းသည့်ပန်းချီကားတစ်ချပ်အသွင်ဖြစ်နေသည် ။ သျှင်း ကလေးငယ်ရဲ့စကားကိုနားထဲမှာ အထပ်ထပ်ကြားယောင်နေမိသည် ။
{ကလေး အခု ကိုကို့ကိုချစ်တယ်လို့ပြောလိုက်တာလား}
သူအတွေးတွေထဲမှာတဝဲဝဲလည်နေသည် ။ ကလေးငယ်က သူ့ကိုချစ်တယ်လို့
တော့မပြောပါဘူး ။ ဒီအတိုင်း သူငိုရင်နာကျင်ရတယ်လို့ပဲပြောတာ ။ ဒါပေမဲ့
နာကျင်မှု ၊ ပျော်ရွှင်မှုဆိုတာတွေကလည်းအချစ်ကြောင့်ဖြစ်တည်လာရတဲ့အစိတ်အပိုင်းတွေပဲမလား ။ သူကုမ္ပဏီကြီးတစ်ခုလုံးကအလုပ်တွေကိုဝေခွဲနိုင်ပေမဲ့ အခုကလေးငယ်ရဲ့စကားကိုတော့သူဝေမခွဲတတ်တော့ပါဘူး ။"ကလေးအခုဘယ်လိုပြောလိုက်တာလဲ"
"ကိုကိုကရာရာ့ကျေးဇူးရှင်ဆိုပေမဲ့ ကိုကို့အပေါ်မှာရာရာခဏခဏလောဘတတ်မိနေတယ် ၊ ရာရာ ကိုကို့ရဲ့စည်းစိမ်ဥစ္စာတွေကိုစိတ်မဝင်စားဘူး ၊ ဒီအတိုင်း ..... ဒီအတိုင်း ကိုကို့ကိုပဲပိုင်ဆိုင်ချင်တာ ၊ ကိုကို့ကိုရာရာ့လူဖြစ်စေချင်တာ ၊ ရတယ်မလား ရာရာ့မှာကိုကို့ကိုလောဘတက်ခွင့်ရှိတယ်မလားဟင်"
"ရတာပေါ့ကလေးရယ် ၊ ကလေးဆန္ဒရှိတာဘာမဆိုလုပ်ခွင့်ရှိတယ် ၊ ကလေးရဲ့စိတ်ဆန္ဒအတိုင်းလုပ်ခွင့်ရှိတယ်"
"ဒါဆို ကိုကိုကရာရာ့လူဖြစ်ပေးပါ ၊ ကိုကို့ကိုရာရာပိုင်ဆိုင်ချင်တယ်"
"ကလေး ဒီမှာကြည့်စမ်း ၊ ကိုကိုကအမြဲတမ်းရာရာ့အပိုင်ပါ ၊ ကိုကို ကလေးကို
စတွေ့ကတည်းက ကိုကိုကရာရာ့လူဖြစ်နေပြီးသားပါ ၊ ကလေး ကိုကို့ကိုချစ်လား"ရာရာလေးသည် ခေါင်းလေးတဆက်ဆက်ငြိမ့်ရင်း .....
"ချစ်တယ် ၊ ရာရာ ကိုကို့ကိုအများကြီးချစ်တယ်"
"ရပြီကလေး ၊ ဒီတစ်ခွန်းတည်းနဲ့တင်လုံလောက်ပြီ ၊ ဒီနေ့လေ ကိုကိုကအပျော်ဆုံးလူသားပဲ"
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...