Unicode🍑
ဝက်ခြေထောက်စွပ်ပြုတ်သောက်ချင်တယ်ဆိုလို့ မိုးသောက်ကသူ့အတွင်းရေးမှူးကိုသွားဝယ်ခိုင်းလိုက်ပြီး ခွန်းအနားကနေတဖဝါးမှမခွာဘဲနေနေပါတော့သည် ။ ဖုန်းထဲမှာဂိမ်းဆော့နေတဲ့ခွန်းဘေးနားမှာထိုင်ပြီး ခွန်းရဲ့ခါးလေးကိုဖက်ထားကာ နားထင်လေးကိုခဏခဏဖိကပ်နမ်းသည် ။
"အစ်ကို ဘာလို့အနားမှာပဲနေနေရတာလဲ..... အစ်ကိုအလုပ်တွေရှိသေးတယ်မဟုတ်ဘူးလား"
"ဟင့်အင်း အလုပ်ကနောက်မှလုပ်လို့ရတယ် ၊ ကိုယ် အခု မင်းကိုထပ်ပြီးအဆုံးအရှုံးမခံနိုင်တော့ဘူး ၊ မင်းပျောက်သွားတုန်းက ကိုယ်သေတော့မယ်လို့တောင်ထင်တာ ၊ ဒီအတောအတွင်းမင်းကိုကိုယ်အရမ်းချစ်မိ သွားပြီထင်တယ် ၊ ဘာတွေကများ ကိုယ့်ကိုချစ်မိသွားစေတာပါလိမ့်နော်"
"ကျွန်တော့်ကိုပစ်ကြွေနေပြီမလား ခစ်ခစ် ၊ ဒီလိုပဲဖြစ်ရမယ်လေ...... "
"ဟုတ်ပါရဲ့ အရမ်း အရမ်းကိုပစ်ကြွေနေပါပြီဗျာ"
"ဝက်ခြေထောက်စွပ်ပြုတ်ရပါပြီခင်ဗျာ! "
စိုင်းလင်း(အတွင်းရေးမှူး)ဝယ်လာတဲ့ဝက်ခြေထောက်စွပ် ပြုတ်ကိုလာပို့ပေးသွားသည် ။
ခွန်း - အစ်ကိုစိုင်းလင်းကလည်းကြာလိုက်တာဗျာ .....
စိုင်းလင်း - လမ်းမှာမဟုတ်တရုတ်ကြောင်တောင်တောင်လူနဲ့တွေ့နေလို့နည်းနည်းကြာသွားတာခွန်းရေ.....
မိုးသောက် - ဘယ်သူတုန်း မင်းကိုဘာလုပ်သွားသေးလဲ
စိုင်းလင်း - CEOသျှင်းမြတ်ရဲ့ဝန်ထမ်းစိုးပိုင်ပါ ဘာမှမဖြစ်ပါဘူးဥက္ကဋ္ဌ ကျွန်တော်ကလက်ဦးရယူပြီးဆော်ပစ်ခဲ့တယ်.....
စကားပြောနေမိတာနဲ့ဘေးနားကအကောင်ပေါက်ကလေးလက်တို့နေတာကိုသတိမထားမိဘူးဖြစ်သွားသည် ။
"အစ်ကို စားမယ်လို့!''
"အာ အာ ဆောရီး ဆောရီး ကိုယ်ပန်းကန်ထဲထည့်ပေးမယ်နော် ၊ စိုင်းလင်းမနေ့ကဆေးဝါးကုမ္ပဏီတစ်ခုနဲ့စာချုပ် ချုပ်ဖို့လုပ်ထားတာ တင်သွင်းမယ့်ဆေးဝါးစာရင်းတွေရယ် ၊ ပြီးတော့ တစ်နှစ်တာအကောင်းဆုံးဝန်ထမ်းဆုပေးဖို့ လူစာရင်းတွေကိုငါ့ဆီတစ်ချက်လာပို့ပေးပါဦးကွာ"
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...