Unicode 🍑
မိုးသောက်နှင့်ခွန်းတို့နှစ်ယောက်မိဘအိမ်သို့ရောက်လာကြသည်။
"ခဏလေးအစ်ကို"
ခွန်းသည်အိမ်ထဲဝင်တော့မည်လုပ်နေသည့်မိုးသောက်ကိုခဏဆွဲထားသည်။ခွန်း၏မျက်နှာပေါ်တွင်စိုးရိမ်ပူပန်စိတ်တွေပြည့်နှက်နေသည်ကိုမိုးသောက်မြင်တွေ့နေရသည်။ခွန်း၏ပါးပြင်ကလေးကိုကိုင်လျက်.......
"ခွန်း! အရမ်းမစိုးရိမ်ပါနဲ့ ၊ အစ်ကိုရှိတယ်လေ ၊ ဒါဆိုအပြင်မှာခဏလေးစိတ်ငြိမ်တဲ့အထိနေဦးမလား"
"ဟင့်အင်း အထဲဝင်မယ် ၊ မြန်မြန်ရင်ဆိုင်ပစ်လိုက်မယ်"
မိုးသောက်နှင့်ခွန်းတို့နှစ်ဦးဧည့်ခန်းထဲသို့ဝင်လာသည်။ဧည့်ခန်းထဲတွင်ဖေဖေနဲ့မေမေထိုင်နေသည်။
"ကဲ လာ ထိုင်ကြ"
မေမေ့မျက်နှာသည်အနည်းငယ်ငြှိုးငယ်နေသည်ကိုခွန်းမြင်လိုက်ရသည်။မေမေနဲ့ဖေဖေသိနေပြီဆိုသည်ကိုလည်းရိပ်မိလိုက်ပါသည်။
"မောင်မိုးသောက် အဖေတို့မင်းတို့ကိုဘာကြောင့်ခေါ်တယ်ဆိုတာရိပ်မိလောက်မှာပါ"
"ဟုတ်ကဲ့ပါအဖေ ၊ ကျွန်တော်တို့သိပါတယ် ၊ ဒါတွေအားလုံးကကျွန်တော့်ကြောင့်ဖြစ်လာရတာမို့လို့ကျွန်တော့်ကိုပဲထိုးချင်ထိုး ရိုက်ချင်ရိုက်လိုက်ပါအဖေ ၊ ခွန်းကိုတော့ခွင့်လွှတ်ပေးပါ ၊ ခွန်းမှာဘာအပြစ်မှမရှိပါဘူးအဖေ"
"မေမေ! သား ......"
"ငါ့ကိုလာမခေါ်နဲ့ ၊ ငါနင့်အမေမဟုတ်ဘူး"
"မေမေ! သားက ......"
"ငါသာနင့်အမေဆိုနင်တိုင်ပင်မှာပေါ့ ၊ အခုတော့အမေကိုနည်းနည်းလေးတောင်မတိုင်ပင်ဘူး ၊ နင်တစ်ခုခုဖြစ်သွားရင်ငါပဲရင်ကျိုးရမှာခွေးကောင်လေးရဲ့ ၊ နင်ကလေအဲ့တဇွတ်ထိုးလုပ်တတ်တဲ့အကျင့်ကအဖေအတိုင်းပဲ"
"ဟာ ငါနဲ့ဘာဆိုင်လို့လဲ"
"အတူတူပဲ ၊ ရှင်ရော ရှင့်သားရောတစ်ပုံစံတည်းပဲ"
ခွန်းသည်မေမေ့အနားတွင်ဒူးထောက်ထိုင်လိုက်ပြီးမေမေ့လက်ကလေးနှစ်ဖက်ကိုဆုပ်ကိုင်ထားလျက်မေမေ့ကိုမော့ကြည့်လိုက်သည်။
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...