ရှပ်အင်္ကျီအပြာနုရောင်လေးနဲ့အဖြူရောင်ဂျင်းဘောင်း
ဘီလေးဝတ်ဆင်ထားသည့်ကောင်လေးတစ်ယောက် ကော်ဖီဆိုင်လေး၏ထောင့်ဆုံးတစ်နေရာတွင်နေရာယူထိုင်နေပြီး မှန်ကိုဖြတ်သန်းကာအပြင်ဘက်ကိုငေးကြည့်
နေသည် ။ ထိုကောင်လေးကတော့ မင်းစေရာပင်ဖြစ် သည် ။ ဒူးအထက်ဂါဝန်အပြာနုရောင်လေးကိုဝတ်ဆင်
ထားပြီး အဖြူရောင်ဒေါက်ဖိနပ်ကိုစီးထားသည့် ကောင် မလေးတစ်ယောက် ဒေါက်ဖိနပ်သံတခွက်ခွက်ဖြင့်ကော်
ဖီဆိုင်ထဲသို့ဝင်ရောက်လာသည် ။ သူမမျက်နှာပေါ်ကျရောက်လာသည့်ဆံနွယ်တစ်ချို့ကိုလက်ကလေးနဲ့သပ်တင်လိုက်ပြီး ကောင်လေး၏အရှေ့တွင်ဝင်ထိုင်လိုက်သည် ။
"စောင့်နေရတာကြာသွားလား ၊ ရွှေစင်ကသင်တန်းဆင်းတာနောက်ကျသွားလို့ပါ"
"ရပါတယ် ၊ ငါလည်းခုဏလေးတင်မှရောက်တာပါ"
အိရွှေစင်ကမင်းစေရာကိုကြည့်ပြီးပြုံးကာခေါင်းလေးငုံ့သွားသည် ။ ထို့နောက် သူမထံမှ အသံသဲ့သဲ့လေးထွက်လာသည် ။
"ငါတို့နှစ်ယောက်ကစိတ်ချင်းဆက်နေတယ်နဲ့တူတယ်နော် ခ်ခ်"
ရာရာအခုမှသတိထားမိတယ် ။ အိရွှေစင်နဲ့သူနဲ့အင်္ကျီအ
ရောင်ချင်းတူနေတယ်ဆိုတာ ။ ရာရာလည်း ရယ်လိုက်ပြီး
"ဟားဟား တိုက်ထားရင်တောင်လွဲဦးမယ်"
ရာရာကသူ့လွယ်အိတ်လေးထဲက အဖြူရောင်နဲ့အပြာနုရောင်ရောစပ်ထားသည့်ဖိတ်စာလေးထုတ်လိုက်ပြီးလေယာဥ်လက်မှတ်နဲ့အတူ အိရွှေစင်ကိုပေးလိုက်သည် ။
အိရွှေစင် ဖိတ်စာလေးနဲ့လေယာဥ်လက်မှတ်ကိုယူကြည့်
လိုက်သည် ။
"နင်နဲ့လက်ထပ်မယ့်သူကအရမ်းချမ်းသာတယ်ထင်တယ်နော်"
အမေရိကားမှာမင်္ဂလာဆောင်မယ်ဆိုတော့ အိရွှေစင်က
အခုလိုစကားမျိုးစလာသည် ။ ရာရာလေးကခေါင်းခါရင်း ......
"ဟင့်အင်း မဟုတ်ပါဘူး ၊ အရမ်းချမ်းသာတာမဟုတ်ဘဲ အရမ်းချစ်လို့ပါ"
"နင်ကယောကျာ်းလေးလေ သူ့အတွက်ပြီးပြည့်စုံနိုင်ပါ့မလား ၊ တစ်ချိန်ချိန်ကျရင်တော့ လိုအပ်တဲ့အရာကသူ့အတွက်လိုလာမှာပဲလေ မဟုတ်ဘူးလား"
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...
