သျှင်းမြတ်
မင်းစေရာ
ဒီဇာတ်လမ်းနဲ့လိုက်ဖက်မယ့်ဇာတ်ဆောင်တွေကိုဝင့်လွှာအနီးစပ်ဆုံးတူတာလေးတွေရွေးချယ်ထားပါတယ် ။ ဒီလူတွေလို့ကွက်တိကျတယ်ရယ်လို့တော့မဟုတ်ပါဘူး ။ ဝင့်လွှာစိတ်ကူးထဲကဇာတ်ကောင်လေးတွေနဲ့အနီးစပ်တူတာလေးတွေကိုရွေးထုတ်ထားတာပါ ။
× × ×
"မင်းစေရာ! နင်မပြီးသေးဘူးလား .. ငါဗိုက်ဆာလှပြီ"
အသက်၁၈နှစ်ကျော်ခါစသာရှိသေးသော မင်းစေရာ(ရာရာ)သည် ရွှေဇွန်းကိုက်ပြီးမွေးဖွားလာသည့်ကလေးငယ်တစ်ဦးဖြစ်သည်။ သို့သော် ကံကြမ္မာကထိုကလေးငယ်အားတစ်သက်လုံးရွှေဇွန်းမပေးထားပါ။ အဒေါ်ဖြစ်သူ ဒေါ်ယမင်းဖြူ၏ဆိုးသွမ်းမှုများကြောင့် ရာရာ့၏မိဘနှစ်ပါးကိုလက်လွှတ်ဆုံးရှုံးလိုက်ရရုံသာမက စည်းစိမ်ဥစ္စာများကိုလည်းဆုံးရှုံးလိုက်ရပြီး ယခုအိမ်သေးသေးလေးတစ်အိမ်သာကျန်ရှိတော့သည်။ အဒေါ်ဖြစ်သူကြောင့် အကြွေးများကလည်းဝိုင်းဝိုင်းလည်နေပြန်သည်။ ဒေါ်ယမင်းဖြူကဖဲရိုက်သည်။ အကြွေးတင်သည်။ ဒီဒဏ်တွေကြောင့် မင်းစေရာ၏ဖေဖေနဲ့မေမေခံသင့်သလောက်ခံခဲ့ကြရပြီး လူ့လောကမှထွက်ခွာသွားကြသည်။အခု ကျန်ရှိနေသည့် သားရတနာလေးကလည်း တူတစ်ယောက်အနေဖြင့်မဟုတ်ဘဲ ဒေါ်ယမင်းဖြူ၏အခိုင်းအစေတစ်ယောက်သာသာဖြစ်နေတော့သည်။
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...