Unicode 🍑
ဆေးရုံမှာနှစ်ရက်နေပြီးဆင်းလာရသည့်ရာရာလေး ။ သမီးလေးကိုလက်ထဲမှာပွေ့ချီထားပြီးမျက်နှာလေးကပြုံးနေတာပါပဲ ။ သျှင်းမြတ်ရဲ့မျက်နှာကလည်းပုရွက်ဆိတ်တက်တော့မည် ။ ပုရွက်ဆိတ်တွေတောင်တက်ပြီးရင်ဆီးချိုရောဂါရသွားနိုင်သည် ။
"ကိုကိုချီထားပေးမယ် ၊ ကလေးအရင်ကားပေါ်တက်လိုက်"
"အွန်း"
ရာရာလေးကားပေါ်တက်ထိုင်လိုက်ပြီး သျှင်းကသမီးလေးကိုရာရာလေးလက်ထဲထည့်ပေးလိုက်သည် ။ သမီးလေးကတော့နှစ်နှစ်ခြိုက်ခြိုက်ကလေးအိပ်ပျော်နေသည် ။ မေမေနဲ့သျှင်းကပစ္စည်းတွေကားနောက်ခန်းထဲထည့်ပြီးအိမ်သို့ပြန်လာကြသည် ။ အိမ်ရောက်သည့်အခါမှာတော့ ........
"Welcome Home !!!!"
မိုးသောက်တို့တစ်သိုက်ကလက်ခုပ်တွေတီးပြီးကြိုဆိုကြတော့ ရာရာ့လက်ထဲကသမီးလေးကလန့်သွားတယ်ထင်ပါရဲ့ ထငိုပါလေတော့သည် ။ သျှင်းကမိုးသောက်ခေါင်းကိုရိုက်လိုက်သည် ။
"ငါ့သမီးလန့်သွားပြီ"
"ဆောတီးပါကွာ ငါလည်းမေ့ပြီးလုပ်လိုက်တာ"
"ရင်ဘတ်ကလေးကိုအသာလေးဖိပြီးချော့ရတယ် ၊ ရလား မေမေလုပ်ပေးရမလား"
"ရတယ်မေမေ ၊ ရာရာလုပ်နိုင်တယ်"
မိဘတစ်ယောက်ဖြစ်လာတော့ သမီးလေးအတွက်သူကိုယ်တိုင်လုပ်ပေးချင်လာတာမျိုး ။ မေမေပြောသလိုရင်ဘတ်ပေါ်လက်ကလေးနဲ့ဖိကာချီလျက်ချော့တော့အငိုတိတ်သွားသည် ။
"လာ ကလေး အခန်းထဲမှာနားနေလိုက်"
"အွန်း"
သမီးလေးကိုချီပြီးအပေါ်ထပ်ကိုတက်သွားကြသည် ။ သူငယ်ချင်းတစ်သိုက်ကတော့အိန်ဂျယ်လေးကိုကြည့်ချင်လွန်းလို့အနောက်ကနေတိတ်တိတ်လေးလိုက်လာကြသည် ။
ရာရာကသမီးလေးကိုချီထားလျက် ကုတင်ခြေရင်းဘက်မှာထိုင်လိုက်သည် ။ အခန်းထဲမှာကလေးပုခတ်ကလေးရယ် သမီးလေးအတွက်လိုအပ်တဲ့ပစ္စည်းတွေထားတဲ့ဗီရိုလေးပိုလာသည် ။"ကလေး ချီထားရတာကြာပြီလေ ၊ သမီးကိုပုခတ်ထဲထည့်ထားလိုက်ပါဦးလား"
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...