The Rope (Own Creation)

Part 21 (Unicode)

ရွှေရည် - " မသန့် သူ့ကို တကယ်မေ့လို့ရလို့လား... ၁၂နှစ်ကျော် ညီအစ်မလို နေခဲ့တာ မသန့်အကြောင်း သမီးထက် ပိုသိတာ အန်တီနဲ့ဦး(မသန့်မိဘတွေ)ပဲ ရှိတယ်... "

သန့် - " မေ့လို့ ဘယ်ရမလဲ... တကယ်ချစ်ခဲ့တဲ့ဟာ... ဒါပေမယ့် အထွေအထူးလည်း သတိမရဘူး... ကိုယ့်အလုပ်နဲ့ကိုယ် ရှုပ်နေတဲ့ဟာ... တိုက်ဆိုင်လာရင်တော့ တစ်ခါတစ်လေ သတိရတယ်... "

ရွှေရည် - " အင်းပါ... ဟုတ်ပါပြီ ... လျစ်လျူမရှုတတ်ရင် သန့်ကြယ်စင် ဘယ်ပီသပါ့မလဲ... နေ့လယ်ကျရင် Interview ရှိတယ်နော်... တစ်နာရီချိန်းထားတယ်... ၁၂ လောက် သမီး လာခေါ်မယ်... အခု အပြင်သွားလိုက်ဦးမယ်... "

သန့် - " အေး... ကားကို ဂရုစိုက်မောင်းသွားနော်... "

ရွှေရည် - " ဟုတ်... "

ရွှေရည့်ကို ပြောမည့်သာ ပြောလိုက်ရသည်။
တကယ်တော့ သန့် မေ့မရနိုင်ခဲ့ပါ...

အမှတ်တရတိုင်းက သန့်အတွက်တော့
အဆိပ်အတောက်ပင်...

ထို့ကြောင့်လည်း ကျောင်းတက်စဉ်က နေခဲ့သော ပုလဲကွန်ဒိုမှ စပ်တူတိုက်ခန်းကို ပြန်အပ်၍ ယခုအခါ ရွှေတောင်ကြားသို့ ပြောင်းရွှေ့နေထိုင်ခြင်းပင်။

ထို့အပြင် B.Ed ဝန်းအတွင်းသို့ အကသွားသင်သည့် နေ့ရက်တိုင်းလည်း သတိရမိနေသည်ကို သန့်မှတစ်ပါး မည်သူမျှ မသိနိုင်ချေ။

..............................

ကျွန်မက ပန်းကျည်တန် ထိုးနေစဉ် မလှမ်းမကမ်း၌
ဖြူစင်က ထိုင်လျက် ဖုန်းကို ကြည့်နေလေ၏။

မမြင်ရသော်လည်း အသံကြားရသည်နှင့်ပင်
သန့်၏ Interview ကို ကြည့်နေမှန်း သိနိုင်ပေသည်။

စိတ်မဝင်စားဟန်ဖြင့် ကိုယ့်အလုပ်ကိုယ် လုပ်နေသော်လည်း နားစွင့်နေမိသည်ကို ကျွန်မသာလျှင် သိပေသည်။

..............................

သန့် - " အသန့်လေး ထွက်သွားခါနီးတုန်းကဆို တော်တော်စဉ်းစားခဲ့ရတယ်... ဟိုမှာ ရေရှည် အဆင်ပြေပါ့မလား၊ ပြီးတော့ ကောင်းကွက်၊ ဆိုးကွက်တွေကိုရောပဲပေါ့... ဒီမှာပဲ Master ဆက်တက်မယ်ဆိုရင်ရောပေါ့လေ ... အဓိကကတော့ အသန့်လေး အနေနဲ့ ဒီမှာက အပြင်သင်တန်းတွေလည်း တက်ထားတာ ရှိတော့ ဒီက Master ထက်စာရင် တခြားနိုင်ငံကဆို ရေ၊ မြေ၊ ဓလေ့၊ ယဉ်ကျေးမှုထုံးတမ်းတွေကြောင့် Experience ပိုရနိုင်တာကြောင့် ဆုံးဖြတ်ခဲ့တာ... တကယ်လည်း ဟိုမှာ Experience တွေ အများကြီး ရခဲ့ပါတယ်... "