အချစ်ကြောင့် ဘဝက သာယာတာလား... ဘဝကြောင့် အချစ်က သာယာတာလား...
ဖြေရခက်သော မေးခွန်းပင်။ မည်သို့ပင် ဖြစ်စေ
ကျွန်မတို့ နောက်ထပ် အဝေးမခံတော့ပါ...
.................................
သန့်က တယောဘိုးတံကို အဝတ်စဖြင့် သုတ်နေရင်း နံဘေးရှိ ကျွန်မအား လှည့်ကြည့်သည်။
သန့် - " မမနဲ့ အဲ့ကောင်မလေးက တအားခင်တာလား... "
သန့်၏ စကားကြောင့် ကျွန်မ မျက်ခုံးပင့်လိုက်မိသည်။
ကျွန်မ - " ဖြူစင်နဲ့လား... ခင်တယ်လေ... သူက တခြားကဆိုတော့ ကူညီပေးရင်း ခင်သွားတာ... ဘာလို့လဲ... "
သန့် - " ဘာမှ မဖြစ်ဘူး... ဒါပေမယ့် အဲ့လို တအားရင်းနီးနေတာ အသန့်လေး မကြိုက်ဘူး... "
ကျွန်မ - " အဟက်... "
သန့်၏ စကားကြောင့် ကျွန်မ ရယ်လိုက်မိလေသည်။
ကျွန်မ - " အသန့်လေးရယ်... အဲ့ဒါ မမ ပြောရမယ့် စကားပါ... ဖြူစင့်ရဲ့ အချစ်ဦးက အသန့်လေးတဲ့... "
သန့် - " ဘယ်လိုဖြစ်ဖြစ် သူ့ကိုလည်း မကြိုက်ဘူး... မမနဲ့ အဲ့လောက်တပူးပူးတတွဲတွဲကိုလည်း မကြိုက်ပါဘူး... အမြဲ အတန်းထဲမှာ ပူးကပ်နေတာပဲ... "
ကျွန်မ - " ဟယ်... အဲ့လိုကပ်င်္ပြီး ရှင့်အကြောင်းတွေ လာလာပြောနေတာလေ... "
သန့် - " ဟုတ်လား... "
ကျွန်မ - " သိပ်ဟုတ်... ပြောတာမှလေ ယမုံဝင့်ဝါနဲ့ တွဲခဲ့တာတွေရော... "
သန့် - " အာ... အဲ့ဒါက သူပျော်အောင် ခဏလောက် တွဲပေးလိုက်တာပါ။ စိတ်ထဲရှိလို့ရယ် မဟုတ်ဘူး... "
ကျွန်မ - " မမကိုရော... "
သန့် - " မမ ဘယ်ကနေ ရစ်တတ်လာတာလဲ... "
ကျွန်မ - " ဟယ်... ပိုရစ်ချင်သွားပြီ... "
သန့်က တယောဘိုးတံနှင့် အဝတ်စုတ်ကို စားပွဲပေါ်တင်လိုက်ကာ ကျွန်မအနားတိုးလာလေ၏။
သန့် - " အသန့်လေးလို အကြောတင်းတဲ့လူက မချစ်ဘဲနဲ့ မမ အနားမှာ တွယ်ကပ်နေမှာလား... "
YOU ARE READING
The Rope (Own Creation)
Teen FictionAs my own style, I rated this story as 13 yrs old & above. (Zawgyi) တခ်ိဳ႕ေသာ ၾကိဳးေတြက မထံုးႏိုင္ေပမယ့္လည္း ႐ုန္းႏိုင္ခဲတယ္ေလ... Summary အလြန္ထက္ျမက္တဲ့ သန့္ၾကယ္စင္ဆိုေသာ မိန္းကေလး ရည္းစားေဟာင္းႏွင့္ ျပႆနာတက္ကာ စိတ္ေျပလက္ေပ်ာက္ ခရီးထြက္လာရင္း သႏၱာ...
