F.L.A.W Series Book 1: AMETHYST

Chapter Twelve

Instead of simple vacation leave, Amethyst filed for an indefinite leave. It was also more than three weeks that had passed after that surprising incident at the bar, and it made her a little paranoid and suspicious of everyone around her.

Ni hindi na niya nakausap pang muli ang boss niya at sa text na lamang niya idinaan ang pagpapaalam. Sa HR siya nagfile ng leave at sinabi niyang may kailangan siyang ayusin na importante.

Ngunit ang totoo ay nagtatago na siya. Wala na siya sa Canada at nasa Amerika na, sa may Atlanta, Georgia. Doon siya nakakuha nang mauupahang bahay at doon niya balak muna manatili habang nag-iisip siya sa kung ano ang susunod niyang hakbang.

Mabuti na lamang at marami-rami na din ang naipon niya kaya't mabubuhay naman siya kung sakaling hindi na talaga siya babalik sa trabaho.

Subalit nagulat siya nang sumulpot ang binata sa bahay niya kahapon. Hindi niya alam kung paano nito nalaman kung nasaan siya at ang mismong nilipatan niya.

I am a Laveau, Darling and I have connections everywhere.

Naalala pa niyang sagot nito sa kanya nang tanungin niya ito kahapon.

Naroon ang lalaki dahil dadalo ito sa isang pagtitipon. Devereaux will attend the party for the most influential businessmen in the world. He was invited and he wants her to accompany him. May dala pa itong damit na susuotin niya para sa pagtitipon na iyon.

Ngunit tumanggi siya dahil ayaw nga niyang lumabas at makita ng mga tao. Hangga't maaari ay ayaw niyang makita siyang kasama ng lalaki dahil ayaw niyang madamay ito kapag nagkaproblema sa bandang huli. Alam niyang binabantayan ang mga kilos niya ng dating organisasyon at sa isang maling kilos niya ay iba ang magbabayad niyon.

Pero sadyang mapilit ang binata. Kahit sinabi niya na magreresign na lang siya sa trabaho niya bilang sekretarya nito ay hindi nito iyon tinanggap. Tataasan pa daw nito ang sahod niya para manatili lang siya.

Kaya heto siya ngayon, nakaharap sa salamin habang pinag-iisipan kung sasama nga ba siya o hindi. Sinabihan niya na huwag na siyang sunduin kundi doon na lamang siya di-direcho sa venue.

"You fucked up, Amethyst!" Bulyaw niya sa sarili sa harap ng salamin. "You fucked up because you let your emotion to consume you! You're damn in love with him!" At saka halos sabunutan niya ang sarili.

Sa huli ay napagdesisyunan din niyang sumama ngunit hindi siya nag-ayos at hindi rin niya sinuot ang damit na ibinigay ni Dev sakanya.

She chose to stick with her old maiden look to hide her true self again. It would be much safer for her boss if she stayed with her pretentious look than reveal her real appearance.

Pagkatapos niyang isuot ang makapal na salamin sa mata ay muli niyang sinipat ang itsura niya. Mahabang itim na palda at puting blusa na may mahabang manggas ang suot niya at ang kanyang buhok ay itinali na lamang niya patalikod.

Naglagay lang siya ng manipis na nude lipstick sa labi bago niya itinaas ang kanyang palda at saka siya naglagay ng maliit na kutsilyo sa holster na nakalagay sa kanyang hita.

Kailangan niyang maging handa kahit sa anong paraan dahil hindi niya alam kung kailan siya aatakihin ng kalaban.

She just took a cab instead of bringing her car. Upon arrival at the hotel venue, she saw how she looked totally different from other women who are also attending the party.