{ Unicode }
................
ဝမ်ရိပေါ်ကညလုံးပေါက်ပြန်မလာခဲ့ဘူး။ရှောင်းကျန့် ဟာဧည့်ခန်းထဲမှာ ဝမ်ရိပေါ် ကိုတစ်ညလုံးထိုင်စောင့်ခဲ့တယ်။
"ရှောင်းကျန့်! ဘာလုပ်နေတာလဲ"
မိုးစင်စင်လင်းတော့မှပဲ ကားသော့ကိုလှည့်ကာအိမ်ထဲဝင်လာတဲ့ ဝမ်ရိပေါ်! အလုပ်မသွားပဲဧည့်ခန်းထဲမှာထိုင်နေတဲ့ ရှောင်းကျန့်ကိုမြင်တော့မေးလေ၏။
"မင်းကရောဘယ်တွေသွားနေတာလဲ"
ဝမ်ရိပေါ်ကိုကြည့်လို့ပြန်မေးလိုက်တော့ ဝမ်ရိပေါ် ကမျက်ခုံးတစ်ဖက်ကိုပင့်တင်ကာသူ့ကိုကြည့်တယ်။ခေါင်းကိုဖြေးဖြေးခါရမ်းကာ ရှောင်းကျန့်ကိုကျော်သွားဖိို့လုပ်လေတယ်။ ဒါကမဖြေနိုင်ဘူးဆိုတဲ့သဘော။
"ဝမ်ရိပေါ်ကွာရှင်းရအောင်"
ရပ်တန့်သွားတဲ့ခြေလှမ်းတွေ!ဝမ်ရိပေါ်ကမြန်ဆန်စွာပင် ရှောင်းကျန့် ကိုလှည့်ကြည့်လေတယ်။
"မင်းဘာပြောလိုက်တာလဲ?"
"ကြားတဲ့အတိုင်းပဲ...ကွာရှင်းကြမယ်...
ရန်သူတွေလိုမျိုး တစ်ယောက်နဲ့တစ်ယောက်မုန်းတီးမသွားခင် ကွာရှင်းရအောင်"
"ဟက်...မင်းကအသစ်တွေ့နေလို့လား "
ဝမ်ရိပေါ်ကစူးစမ်းလိုသောမျက်လုံးတွေနှင့်မေးလေတယ်။
"အသစ်တွေ့နေတဲ့လူကဘယ်သူလဲဆိုတာ
မင်းနဲ့ငါအသိဆုံးပါ....ငါ့ဘက်ကဘာမှပြောစရာမရှိဘ.."
"မင်းပြောချင်တာက ငါ့ကိုလား!"
"No..No..No ငါပြောချင်တာက ကိုယ့်ကိုကိုယ်အသိဆုံးပဲလို့ပြောချင်တာ...ကျစ်...ကြာတယ်ကွာ...ငါတို့တစ်ယောက်နဲ့တစ်ယောက်ခံစားချက်တွေမှမရှိတော့ပဲ ကွာရှင်းကြတာပိုမကောင်းဘူးလား! "
ရှောင်းကျန့်ကချက်ချင်းစကားလမ်းကြောင်းပြောင်းကာ ကွာရှင်းဖို့ထပ်ပြောတယ်။ဝမ်ရိပေါ် က ရှောင်းကျန့် ကိုကြည့်နေတယ်။မျက်မှောင်တွေလည်းကျုံ့ထားတယ်။ရှောင်းကျန့်ရဲ့မျက်ဝန်းတွေထဲမှာ ဟိုအရင်ကလိုနွေးထွေးမှုမျိုးလုံးဝမတွေ့ရတော့။အနည်းငယ်ရဲနေတဲ့မျက်ဝန်းတွေ။အရင်က ထိုမျက်ဝန်းတွေကိုမြင်ရင် သူ့စိတ်တွေထိန်းမရအောင် ခုန်လှုပ်ဖူးတယ်။
YOU ARE READING
ဒုတိယအကြိမ်မြောက်ချစ်ခွင့်ပန်ခြင်း( The Secondary Propose!)
FanfictionUnicode + Zawgyi Code ပထမအကြိမ်မှာ အပျက်ပျက်နဲ့နှာခေါင်းသွေးထွက်ခဲ့ပေမဲ့ ဒုတိယအကြိမ်မှာတော့ အတိုးချချစ်ပေးလို့ရတယ်မလား..... ဒုတိယအကြိမ်မြောက်ချစ်ခွင့်ပန်ခြင်း♥ Yizhan Start Date - 20.8.2020 End Date - 15.11.2020 ပထမအႀကိမ္မွာ အပ်က္ပ်က္နဲ႕ႏွာေခါင္းေသ...
