{ Unicode }
ဝမ်မားမားရဲ့ ခေါင်းတလားမြေမချခင် ဝမ်ရိပေါ် ကနောက်ဆုံးအကြိမ်အနေနဲ့ သုံးကြိမ်ဦးတိုက်ပြီး ဂါဝရ ပြုလေတယ် ။ညိုးငယ်နေသောမျက်နာနဲ့ ဝမ်မားမားရဲ့ အသက်မဲ့နေတဲ့ ကိုယ်ခန္ဓာနားကိုတိုးကပ်သွားပြီး တစ်ခုခုပြောတယ် ။
ဝမ်ရိပေါ် ရဲ့အပြုအမူတွေကို ကြည့်ရင်း
ယွီပင်း တို့လည်းစိတ်မကောင်းဖြစ်ရုံမှတပါး။ရိဖေး ကတော့အမကြီးဖြစ်တဲ့အတွက် စျာပနမှာ အတတ်နိုင်ဆုံးမျက်ရည်မကျအောင် စိတ်ကိုခိုင်ခိုင်ထားလေသည်။ငိုကြွေးခြင်းကိုတော်တော်နဲ့မရပ်တဲ့ ဝမ်ရိပေါ်ရဲ့အနားမှာ ရှောင်းကျန့်ကတစ်ချိန်လုံးရှိနေပေးတယ် ။ဝမ်ရိပေါ် ရဲ့ဆွေမျိုးအချို့က ရှောင်းကျန့် ကိုဘာသဘောနဲ့လဲဆိုတဲ့ပုံစံတွေနဲ့ ကြည့်ကြပေမဲ့လည်း ဂရုမစိုက်အားသေးဘူး ။ဝမ်ရိပေါ်ကအခုလောလောဆယ် ဘယ်သူ့စကားမှနားမဝင်ဘူး ။ ရှောင်းကျန့် ကိုပဲအားကိုးတကြီးကပ်တွယ်နေတယ် ။သူ့အနေနဲ့ ဝမ်ရိပေါ် ကိုနှစ်သိမ့်ပေးဖို့လိုတယ်လေ..။
ခေါင်းတလားကိုမြေချပြီးတဲ့အထိ ရိပေါ်ကအထိမ်းအမှတ်ကျောက်တိုင်ရှေ့မှာ ဒူးထောက်ပြီးထိုင်နေဆဲ ။မျက်ရည်တွေထပ်မကျတော့ပေမဲ့ အစ်မို့နေတဲ့မျက်ဝန်းတွေက သူလုံလုံလောက်လောက်ငိုပြီးပြီဖြစ်ကြောင်း ဖော်ပြလေတယ် ။
"ရိပေါ် ကိုအကူညီတောင်းပါရစေ"
"ဟုတ်ကဲ့...ကျွန်တော်ကူညီပေးလိုက်ပါ့မယ်"
ဝမ်ပါးပါးကခေါင်းငြိမ့်လို့အရင်ထွက်သွားလေသည်။
"ရိပေါ် ငါပြန်တော့မယ် မားမားလည်းကောင်းရာမွန်ရာကိုရောက်မှာပါ ကိုယ့်ကိုကိုယ်ဂရုစိုက်ဦး"
ယွီပင်းကလည်း ဝမ်ရိပေါ် အနားကိုသွားကာနှုတ်ဆက်တော့ ယဲ့ယဲ့လေးပြုံးပြကာခေါင်းငြိမ့်သည်။အားလုံးကနှုတ်ဆက်ကာ အလျှိုလျှိုပြန်သွားပေမဲ့ ဝမ်ရိပေါ် ကမထသေး ။ ကိုယ့်ကိုကိုယ်အပြစ်တင်နေတဲ့စိတ်က ဝမ်ရိပေါ် ထံမှာကြီးစိုးနေတယ် ။ကောက်ကာငင်ကာကြီးသူ့ဘဝထဲကနေထွက်သွားတဲ့ မားမားကြောင့် သူဖော်မပြတတ်အောင်ဝမ်းနည်းနေတယ် ။
![](https://img.wattpad.com/cover/237476941-288-k823056.jpg)
YOU ARE READING
ဒုတိယအကြိမ်မြောက်ချစ်ခွင့်ပန်ခြင်း( The Secondary Propose!)
FanfictionUnicode + Zawgyi Code ပထမအကြိမ်မှာ အပျက်ပျက်နဲ့နှာခေါင်းသွေးထွက်ခဲ့ပေမဲ့ ဒုတိယအကြိမ်မှာတော့ အတိုးချချစ်ပေးလို့ရတယ်မလား..... ဒုတိယအကြိမ်မြောက်ချစ်ခွင့်ပန်ခြင်း♥ Yizhan Start Date - 20.8.2020 End Date - 15.11.2020 ပထမအႀကိမ္မွာ အပ်က္ပ်က္နဲ႕ႏွာေခါင္းေသ...