" زواج مْـع وّقـف الـتـنـفـِيـذ ❤..*!
# الحلقهه الثانيه 🌸
رؤوف >> لا باين عليه قدع
مراد >> قدع و حظه رهيب
رؤوف >> شن دخل الحظ في النص ؟
مراد >> تي يحكيلي ع وحده متعرف عليها من الجامعه و ما تعرف شي يعني قطوسه مغمضه
رؤوف >> تي ما فش منها الدوه هذه توا
مراد >> تو يجي و اسمع منه القصه
رؤوف >> نجيب حاجه نشربوها و انجي
مراد >> باه
رؤوف >> و لا تعال معايا جوا حتي انت و لا ما تبش تسلم ع عمك
مراد >> بالك راقد
رؤوف >> لالا صبي هيا
مراد >> هيا
\\
\\
\\
رؤوف >> باتي وين ؟
رانيا >> تعشى و خش يرقد
مراد >> مش قتلك
رانيا >> اوو مراد أهلا أهلا
مراد >> اهلين و سهلين آخره
رؤوف >> الخدامه وين ؟
رانيا >> في المطبخ
مراد >> شنو خدامه هذه ؟؟ قول عمتي عيب 😒
رؤوف >> عمتي في عينك 😒 مش تشتغل ب فلوس كيف عمتي عاد ؟
رانيا >> شن تبي باه تو نقوللها ادير
رؤوف >> جاي صاحبنا و نبو شوية حركات
رانيا >> باهي
مراد >> أهو يرن اكيد وصل
رؤوف >> اطلع استقبله و انا تو نلحقك
مراد >> تمام باه
<<
<<
<<
مراد >> اوووو انستنا يا طير
عثمان >> الله يانسك يا معلم
مراد >> خش خش
عثمان >> تي مش فيلتكم انتو اللي بابها أسود ؟
مراد >> هذه متاع عيت عمي
عثمان >> ما شاء الله ربي يزيدكم
مراد >> وين بكري نرن عليك نلقى فيك انتظار
عثمان >> أها كنت مشغول بس
مراد >> أهو رؤوف جا
رؤوف >> مرحبا مرحبا
عثمان >> اوووو رؤوف شن اخبارك
رؤوف >> الحمد لله شن اخبارك انت
عثمان >> أها عايش و ندق
مراد >> شن جو الحب معاك 😍😂
عثمان >> أهو يمشي الجو
مراد >> كنت نحكي ل رؤوف عليك و ع البنت اللي تحبها
عثمان >> اوووو درتني نحبها وسع بالك
رؤوف >> باهي احكيلي نبي نعرف القصه من أولها
عثمان >> اسمع عاد ، بدت القصه من كم شهر هكي // كنت راقد في حالي عند ما رن نقالي و كان صآحبي قالي نوض بسرعه و تعال لجامعه
رؤوف >> و ليش يومها بذات يعني ؟
عثمان >> كانت دفعة السمستر الأول دوبها باديه و كانو إعداد غير اول سمستر لهم في قاريونس // عموما صبيت وتيت روحي و توكلت شور الجامعه و البنات أشكال و ألوان و معروفات متاعات اول سمستر عاد // المهم برمت شويه و بعدها شفت بنتين جايات من بعيد و نقاني ضربت عيني عليهن و الاثنين أحلى من بعضهن
رؤوف >> اوووو حي ع الجو و بعدها ؟
عثمان >> مشيت وراهن و فطنت لوحده فيهن لابسه دبله و باين عليها عروس جديده شكلها
مراد >> عليك بخت قبل بنقولك شوفها ليا
عثمان >> المهم قعدت أسبوع وراهن و لا كانهن يشوفن فيا عند يوم مشيت و حكيت مع المتزوجه و في الأول كانت تحسابني ندحنس عليها و فهمتها اني حاط عيني ع اللي معاها و المهم كلمه مني و كلمه منها عرفت انه البنت عمره ما عرفت شاب و حطيت القصه في راسي جيت عاد ثاني يوم و عطيتها رقمي
رؤوف >> عطيته لها و لا للمتزوجه ؟
عثمان >> عطيته للمتزوجه و قتلها خليها تكلمني و تقولي أنها ما عندهش نقال بكل و كبرت القصه عندي يعني بنت لا هي متاع وجيج لا عندها نقال مش ه نضيعها من يدي
مراد >> عليك طيحه مسقمه يا سي
رؤوف >> نادر ما تلقى وحده ماعندهش نقال
عثمان >> عموما ما كذبتش خبر انا و اليوم اللي بعده جبت نقال جديد و عطيته لها و قتلها تو تلقى رقمي فيه و بالفعل ما سكرتش أسبوع إلا و البنت تحكي معايا
رؤوف >> و خذت النقال عادي ؟
عثمان >> في الأول لا ما لا و ما نقدرش و هكي بس خيك قنعها
مراد >> تي و حق ربي كان انا مكانك را من ثاني يوم دزيت هلي و تميت معاها
عثمان >> و الله مرات تضرب القصه في بالي و نقول يعني بنت كويسه و ماشاء الله عليها و انا اول شاب في حياتها و بعدها نقول شن الضمان انها مش ه ادير هكي مع غيري ؟ يعني اللي خلاها توافق تحكي معايا من ورا هلها يخليها تحكي مع 2 و 3 و نفوت الموضوع
مراد >> هذا عيبكم انتو الشباب لما تلقو بنت ناس و ما شاء الله عليها تلعبو بيها و لما تكون مش مسيبه واحد و كيف كرسي الحلاق تقعدو في جرتها 😒
رؤوف >> وين ع الحكم يا الحب 😂
عثمان >> تو نشوفو شن يطلع منك انت 😂
مراد >> غير نلقاها بس تي وقتي انطلع عرسي
عثمان >> ماهو اللي فلوسه في جيبه مش نفس اللي مش محصل عمل
مراد >> ربي يرزقك كيف ما رزقنا
عثمان >> أن شاء الله
