خرجت ريم برفقه ايلين من الغرفه و هما يقهقهان بقوة ليجلسا على طاوله الطعام لينظر لهم آدم بإبتسامه متحدثا.
"بتضحكوا على ايه؟"
"على ريم و اللى عملته فى مارك، ده فضل واقف قدام بابها ٣ ايام مستنيها تخرج علشان ينتقم منها"
"انا مالى هو اللى غبى، بيختار الوحيده اللى مش مرتبطه علشان تساعده فى الأمور العاطفيه"
"ايه اللى حصل؟"
تساؤل نسرين جعل ايلين تقهقه بقوة مره اخرى لتنظر لها والدتها بإستغراب لتبادر ريم فى الحديث.
" يا نيسو بكل بساطه هو مشى ورايا و انا محدش يمشى ورايا فى حاجه ابدا، المهم الحكايه و بإختصار شديد انه اتلطش بالقلم من البنت اللى كان بيعترفلها بحبه، ده ذنبى؟ "
" و اتضرب ليه اصلا، هو قال ايه؟"
"بقولك ايه اكل الأول و هحكيلك على كل حاجه"
"هو انتى همك على بطنك علطول كدا؟ "
" بصى يا ايلين يا حبيبتى انا مش هخس غير فى حاله واحده و هى انى اكون قربت اموت، هخس علشان ابقى خفيفه و انا فى النعش بتاعى علشان محدش يشتكى من تقلى، و اسكتى بقا علشان اكل"
انهت ريم ذلك الحوار و هى تبدأ فى تناول الطعام تحت نظرات زياد و مالك التى تتفحصها و لكن ريم لم تبالى.
.
.
.
.
.
" احلى شاى لاحلى دومى و نيسو، و ايلين لا"
صاحت ريم و هى تعود بصينيه مليئه بأكواب الشاى ليبتسم آدم بخفه هو و نسرين بينما زياد و مالك ينظرون لها بهدوء.
"كام معلقه سكر يا بشوات"
جذبت ريم انتباه كل من مالك و زياد لتجيب ايلين بدلا منهم.
"مالك ٣ معالق و زياد ٢"
اومأت ريم بهدوء و هى تضع السكر لتضع الاكواب أمام كل من زياد و مالك لتجلس بجانب آدم الذى أحاط كتفها مقبلا جبهتها تحت أنظار مالك و زياد المستغربه لتصيح ايلين بغيره واضحه.
" و انا يا بابا و انا"
"بس يا بت دومى ده بتاعى انا"
"لا بتاعى انا"
" لا انتى و لا هى، دومى ده ملكى لوحدى حتى اسألوه"
انهت نسرين ذلك النقاش الحاد الذى بين ريم و ايلين بينما آدم يبتسم فقط بهدوء.
نظرت الفتاتان إلى آدم منتظرين اجابته على ما قالته نسرين ليومئ بتأكيد و هو ينظر بإبتسامه إلى نسرين التى زادت ابتسامتها اتساعا.
"يا بختك يا عم آدم "
همس مالك ليلكزه زياد بخفه ليزم مالك شفتيه قبل أن يرتشف القليل من كوبه.
"هنبدأ شغل بكرا؟"
تساؤل ريم جعل زياد ينظر لها ببرود و هو يضع كوب الشاى على الطاوله أمامه مهمهما بخفه.
"تعالوا بكرا الساعه ١١، علشان فيه اجتماع الساعه ١٢ الضهر مع صاحب الشركه اللى المفروض تقنعوها بالمشروع"
"لا هنيجى الساعه ٩، لازم ندرس المشروع كويس علشان نتكلم بثقه قدام المستثمر"
"كنت لسه هقول كدا، لازم الثقه علشان اللى قدامى يثق فى كلامى"
"اللى يريحكم، يلا يا مالك علشام عندى شغل بكرا بدرى "
أنهى زياد ذلك الحوار الذى دار بينه و بين كل من ريم و ايلين ليومئ له مالك سريعا و هو ينهض هو الاخر تابعا ابن عمه.
فور ان وصل مالك و زياد حيث باب المنزل حتى فتح الباب ليظهر جد و جده ايلين اللذان تفاجئا بوجود ريم و قاما بأخذها بالاحضان مقبلين ريم بسعاده شديده بينما ريم تبتسم بإتساع.
غادر كل من مالك و زياد ليصعدا بالسياره معا منطلقين إلى منزلهم بعد يوم طويل.
.
.
.
.
.
