روايه " الزُمرد " سلمي عيسوي

الفصل السابع

الفـصـل السـابـع .

--------

- اومأت لها و خرجت معها قاصده المِرحاض ، دخلت " زُمرد " و عادت  " نورين. " إلي غُرفتها ، جلست علي فراشها كما كانت و لفت نظرها هاتف صديقتها ، إلتقطته كـ عادتها و فتحته ، ظلت تُقلب بِه حتي رأت رساله من شخصٍ ما جعلتها تُفكر قليلاً من هذا ..!!؟

عندما خرجت زُمرد من المرحاض وجدت نورين تنظر لها قائلهً بـ استفسار :-

مين يزن الشاذلي ..؟

زُمرد :- حوار كده هبقي احكيلك عليه .

- نفت الاخري قائله :- لا قـولي دلـوقـتي

- تنهدت قائله :- واحد من فتره كلمني و قالي انه مُعجب بـ السيشن اللي اتصورته فـ الرحله .

- يـ سلام مُعجب بـ الصور ، فـ كلمك يعني .. بيشقطك ..!؟

- لا يـ نورين ، انا و هو صُحاب بس ، بس يـ نورين .

- طول عمرك شايفه ان مفيش صُحاب بين ولد و بنت يـ زُمرد  ، ايه اللي اتغير ..؟

- اصل دي علاقه سوشيال فـ اكيد يعني مش هتقلب حُب ، لكن انا ضد علاقات الصداقه الحقيقيه بين الشاب و البنت عشان بتقلب بـ حُب ، و غالباً من طرف واحد .

- يِمكن يا زُمرد ، بس بلاش تغلطي غلطتي ، بلاش تسمحي لـ قلبك انه يحب عشان هتتوجعي اوي .

- اللي عايزه ربنا هيكون ، المهم انا دلوقتي همشي عشان اتاخرت جداً ، اشوفك بُكرا فـ المدرسه .

- اومأت لها " نورين " و قالت لها بـ ابتسامه سخيفه  :-

- متنسيش تردي عليه و تطمنيه انك طلعتي من الدرس ، يـ حرام شكله قلقان اوي .

- نظرت لها زُمرد بـ اشمئزاز و قالت لها :-

- يـ بنتي انتِ مش حِمل خبطه مني هتقابلي رب كريم علي طول ، فـ لِمي لسانك شويه .

- اممم ، ماشي يـ زُمرد .

- قبلتها " نورين " علي وجنتيها و قالت لها :-

- لما توصلي كلميني و طمنيني عليكي .

- اومأت لها " زُمرد " و خرجت من منزل صديقتها ، ركبت احد سيارات الاُجره قاصده منزلها ، علي طول الطريق تُفكر فـ كلام صديقتها ، هل فعلاً ستقلب هذه الصداقه بـ حُب ...!؟

---------

- قولي بقا يـ برنس انت حبيت كام مره .

- قالها " رائف " و هو يرتشف احد كاسات الخمر الفاخر ، و ينظر لـ الفتايات التي تتمايل عليه بـ قله حياء .. فـ رد عليه " يزن " قائلاً بـ اشمئزاز من المكان و الاشخاص الموجوده فيه  :-

- محبتش قبل كده .. يعني يـ رائف من ضمن اماكن مصر كُلها ملاقتش غير الديسكو ..!!

- رائف بـ حنق منه :-
امال عايزني اوديك فين يـ يزن جنينه الحيوانات .