ခွန်း မျက်ရည်တွေဝဲကာ ဟက်ခနဲရယ်လိုက်မိသည် ။
"အမှား ... တောင်းပန်တယ် ... ဘာစိတ်မှမရှိဘူး ဟုတ်လား"
"ငါတောင်းပန်ပါတယ် ၊ နောက်ဘယ်တော့မှမဖြစ်စေရပါဘူး"
"ထွက်သွား ! ခင်ဗျားထွက်သွား !"
ခွန်း သူ့လက်ကိုဆွဲပြီး သူ့ကိုအခန်းပြင်တွန်းထုတ်ကာ အခန်းတံခါးပိတ်ပစ်လိုက်သည် ။ အပြင်မှာရပ်နေတဲ့ ဘရဏီကလည်း သူ့ကိုဒေါသတွေနဲ့ကြည့်ပြီးမျက်စောင်းထိုးကာ ခွန်းရဲ့အခန်းတံခါးကိုခေါက်လိုက်သည် ။
"ခွန်း ငါပါ တံခါးဖွင့်"
ခွန်းကဘရဏီ့ကိုတော့တံခါးဖွင့်ပေးသည် ။ မျက်နှာတစ်ခုလုံးနီရဲနေတဲ့ ကောင်လေးကိုသူမြင်လိုက်ရပါသေးသည် ။ ဘရဏီပြောသွားတဲ့
စကားကိုလည်း သူ့နားနဲ့ဆက်ဆက်ကြားလိုက်ပါသေးသည် ။"မုန်းဖို့ကောင်းလိုက်တာ"
ဘရဏီကသူ့မောင်လေးကို သူအခုလိုလုပ်မိလို့သူ့ကိုစိတ်ဆိုးသွားတာ
လား ။ သူဒီလောက်တောင်းပန်နေတာကို ဘာလို့လက်မခံတာလဲ ။"မမ !"
"မငိုပါနဲ့ဟာ ၊ နင်ငိုတော့ငါလည်းငိုချင်တယ်ဟ"
"အမှားတဲ့ တောင်းပန်ပါတယ်တဲ့ သူ့မှာဘာစိတ်မှမရှိပါဘူးတဲ့ ၊ အခု
ခွန်းကအငြင်းခံလိုက်ရတာလား ၊ ခွန်းကတစ်ဖက်သတ်ပဲလား"ဘရဏီစိတ်ထဲဘယ်လိုမှမကောင်း ။ ခွန်း ခံစားနေရတာတွေများပြီ ။
"နင်မှန်မှန်ပြောစမ်း ၊ နင်သူ့ကိုကြိုက်နေပြီမလား"
ခွန်းရဲ့နေ့စဥ်မှတ်တမ်းစာအုပ်ကလေးကိုခိုးဖတ်မိတဲ့ဘရဏီက ခွန်း
မိုးသောက်အပေါ်ထားတဲ့ခံစားချက်တွေကိုသိသွားခဲ့သည် ။ ခွန်းရဲ့
ဒိုင်ယာရီထဲမှာ မိုးသောက်အကြောင်းကမပါမဖြစ်ပါသည် ။"မမဘယ်သူ့မှလျှောက်မပြောနဲ့နော် ၊ သူက ရာရာ့ကိုကြိုက်နေတာလေ ၊ ခွန်းကဝင်ရှုပ်လို့ဘယ်ဖြစ်ပါ့မလဲ"
"ကောင်ဆိုးလေး ငါသိသားပဲ ၊ နင်သူ့အပေါ်ကြည့်တဲ့အကြည့်တွေကရိုးမှမရိုးသားတာ ၊ ဟားဟား ငါကတော့နောက်တစ်တွဲSupportရဦးမယ်နဲ့တူပါတယ်"
YOU ARE READING
အသက်ထက်ပိုသော(Completed)
Romanceတစ်ရက်မှာတစ်ည ၊ တစ်ညမှာတစ်ခဏကလေးက သူ့အတွက်တစ်ဘဝဖြစ်လာမယ်ဆိုတာ သူဘယ်တုန်းကမှတွေးထင်မထားမိပါ ။ တစ္ရက္မွာတစ္ည ၊ တစ္ညမွာတစ္ခဏကေလးက သူ႕အတြက္တစ္ဘဝျဖစ္လာမယ္ဆိုတာ သူဘယ္တုန္းကမွေတြးထင္မထားမိပါ ။ ကိုကိုကရာရာ့အတွက်တော့ အသက်တစ်ချောင်းထက်တောင်ပိုပြီးတန်...
အသက်ထက်ပိုသော(၁၉)
Start from the beginning