Way to the stars [Completed] Z+U

Part - 14 ( Unicode)

" ဟတ်ချိူး..... "

ဆွတ်ရိန် နှာခေါင်းထဲကလေများ ဒလဟော ပွင့်ထွက်ကုန်သည်ဟု ထင်ရသည်။ မနေ့ညကဘောလုံးကွင်းမှာ နာရီဝက်လောက် လှဲအိပ်ခဲ့ပြီးနောက် အေးစိမ့်ရဲ့ ရာသီဥတုဒဏ်ကို မခံနိုင်ပဲ သူအအေးမိသွားခြင်းပင်။

" ဆွတ်ရိန် မင်းက သတ္တိနဲတဲ့ကောင်ပဲ "

နှာတရှုံ့ရှုံ့နဲ့ဖြစ်နေသည့်ကြားပင် ဒန်နီရယ်၏ ထိုစကားအားနားထဲတွင်ကြားယောင်လာမိပြန်သည်။

အမှန်တကယ် ကျွန်တော် သတ္တိနဲတာမဟုတ်ပဲ တန်ဖိုးထားတာဟု ပြောလိုက်ပြန်လျှင်လည်းဒန်နီရယ် တစ်ယောက် ရယ်နေပြန်တော့မည်။

"မေမေ....ကျွန်တော်...ဟတ်...ချိူး...သွားပြီလို့ "

မေမေ့ကိုနှုတ်ဆက်နေရင်းမှပင် ယားကျိကျိဖြစ်လာသော နှာခေါင်းက ဒုက္ခပေးလာပြန်သည်။

မေမေက စက်ချူပ်နေရင်းမှ နှာတရှုံရှုံ့ဖြစ်နေသော သူ့ကို ဂရုဏာသက်သလို ကြည့်ကာ

" သားရယ် နေမကောင်းရင်လည်း နားလိုက်
ပါလားကွယ် နှာတရှုံ့ရှုံနဲ့ ..... "

"အာ....ရတယ် မေမေ ကျွန်တော် ဆေးသောက်လိုက်မယ် ဒီနေ့အရေးတကြီး လုပ်စရာရှိလို့ နားလို့မဖြစ်ဖူး ကျွန်တော် အဆင်ပြေတယ် စိတ်မပူနဲ့ "

"ဒီသားတစ်ယောက်နဲ့တော့ နေမကောင်းနေတာ ကိုကွယ် .... "

စိုးရိမ်စိတ်ဖြင့် ခပ်တိုးတိုးလွင့်ပျံ့လာသော မေမေ၏ ဂရုဏာသံကိုလည်း ဆွတ်ရိန် မကြားမိတော့။

စိတ်အစုံသည် တစ်ယောက်သောသူဆီသို့သာ ခပ်မြန်မြန်ရောက်သွားဖို့ အာရုံများနေသည်။

ဒီနေ့က သတ္တိမနဲကြောင်းပြရမည့်နေ။ မနေ့ညက ညလုံးပေါက် နဖူးပေါ်လက်တင် စဉ်းစားပြီးတဲ့နောက် ထွက်လာသောအဖြေသည် အချိန်မဆွဲဖို့ တစ်ခုတည်းသာရယ်ဖို့ စိတ်ကို အလိုလိုက်ဖို့ သူဆုံးဖြတ်လိုက်သည်။

ဒန်နီရယ့် အခန်းပေါက်ကိုရောက်သွားတော့ထုံးစံအတိုင်းပင် အကျင့်ပာနေသော နှလုံးသားကမြင်းရိုင်းတစ်ကောင်လို ခုန်ပေါက်လာပြန်သည်။