Encountering Min Yoongi (Wattys 2020)

Encounter 21

R E N

Dahan dahan kong iminulat ang mga mata ko, unang nakita ko ang nakakasilaw na ilaw. itatanong ko sana kung nasa langit na ba ako pero naramdaman ko kasing may pumisil sa aking kamay.

Awtomatiko akong napangiti nang bumungad sa akin ang maamong mukha ni Yoongi, bahagya akong natawa dahil naka-pout pa ito habang natutulog, hindi ko na kailangang pumunta ng langit dahil dito palang sa lupa ay nakita ko na ang anghel ko.

kapansin-pansin ang itim sa ilalim ng mata n'ya, parang ilang araw s'yang walang tulog na maayos. dahan-dahan kong tinanggal ang kamay ko sa pagkakahawak n'ya pero kumunot ang noo nito at mas hinigpitan pa ang pagkapit dito.

napakagat ako sa aking labi nang maramadaman ko ang kirot sa aking likod, pinilit kong huwag gumawa ng ingay para hindi s'ya magising mula sa mahimbing n'yang pagtulog. nakahinga na ako ng maayos ngayon, dahil alam kong ligtas na s'ya, ligtas na si Yoongi, ligtas ang lahat.

Dahan-dahan kong hinawakan ang buhok ni Yoongi, medyo nanghihina pa ako pero wala akong pake, gusto ko lang masiguradong maayos s'ya at panoorin s'ya habang natutulog.

Susuklayin ko palang sana ang buhok n'ya gamit ang kamay ko nang bigla nitong hawakan ang aking kamay at dahan-dahang imulat ang mga mata n'ya.

Kinusot pa nito ang mata n'ya at tinignan kung tama ba ang nakikita n'ya, pumikit s'yang muli pero agad na nagmulat ulit ang mga mata n'ya.

"Ren? G-gising ka na ba? Totoo bang gising kana o nananaginip lang ulit ako?"
Bahagya akong humagikhik dahil sa reaksyon ni Gilagid, I really missed this man.

"Hindi. Tulog pa ako, nananaginip ka lang talaga"
Pamimilosopo ko dito at tumawa ng mahina, at ang gago pinisil nga ang pisngi n'ya at tinignan kung totoo ba o nananaginip lang s'ya.

Mas lalo lang akong natawa nang dahan-dahan siyang ngumiti at nanlaki ang singkit n'yang mata.

"Hindi na ako nananaginip sa pagkakataong ito Gising ka na Ren! gising ka na" Napatigil lang ako nang bigla ako nitong niyakap ng mahigpit na mahigpit.

Naramdaman kong ibinaon nito ang mukha n'ya sa aking leeg, gusto kong tumawa dahil nakikiliti ako pero makakasira lang sa eksena namin lalo na't naramdaman kong tumulo ang luha ni Yoongi.

Hindi ko mapigilang makaramdam ng lungkot at masaktan nang marinig ko ang maliliit n'yang paghikbi.

"I-I thought I'd lose you"
Paos at mababa ang boses niya, hindi ko rin tuloy mapigilang maluha dahil hindi ko naisip na masasaktan ko s'ya ng ganito.

Silang pito.

Alam kong may nagbago na, may nagbago na sa nararamdaman ko para sakan'ya.

Handa ko silang iligtas, handa kong ibuwis ang buhay ko lalo na kung para sakan'ya, dahil narealize kong mahal ko na ang lalaking ito, ang lalaking nangunguna ang gilagid n'ya, ang lalaking may gummy smile, ang lalaking nag-ngangalang Yoongi.

Hindi ko pa nagawang ibuwis ang buhay ko kaninuman, o kahit kay Angelo, at na-realize kong handa akong mamatay lalo na't kung para kay Yoongi.

Hindi ko alam kung paano n'ya mabilis na napalitan si Angelo sa pwesto dito sa puso ko, pero malinaw na sa akin ang lahat ngayon. Sa wakas nahanap ko din ang sagot alam kong s'ya na ang mahal ko.

Salamat dahil ginabayan ako ng gilagid niya.

Hindi bilang isang idol o fan kundi kung sino si Yoongi off cam at on cam.

"Naiinis ako sayo, you're really stupid huh!" Tumingin ito sa akin habang pinupunasan ang luha, lalo tuloy lumambot ang puso ko dahil nakikita ko s'yang umiiyak ngayon sa harap ko.