Mahigit dalawang taong pagtingin
Palagi ay nasa isip-isip
Pati sa pagtulog ikaw ang panaginip
Ikaw na ba, loob ng Diyos sa akin?
Sadyang malupit ang tadhana natin
Ika'y lumapit bilang kaibigan
Sinabi sa buhay mga kagustuhan
Ngunit bakit, ikaw pala ay lilisan?
Ngayong ikaw ay nasa malayo na
Balita'y nasa piling na ng iba
Puso'y nadurog ng iniwang sinta
Di man lang nawika lihim na nadarama
Ngayong pangungulila'y nararanasan
Sa pag-ibig na noon pa natagpuan
Subalit di man lamang matitikman
Marahil sa langit na lang maisasakatuparan.