Sa bawat bagyo, may nawawasak
Sisirain gaano pa ito kalawak
Ngunit sa pagtila ng ulan
Lalabas ang bahag-haring lulan
Nagsimula man sa kadiliman
Nawala man lahat ng kahilingan
Naglaho ang mga pinaghandaan
Maibabalik pa rin ang kasiyahan
Hindi man tulad ng nakaraan
Pinipilit man baguhin ang nakasanayan
Sinasabing para ito sa kabutihan
Para sa kinabukasang nais hagkan
Pagbabago'y likas na sa mundo
Ngayo'y mas dapat unawain ito
Kapit bisig hanggang sa dulo
Ang laban ay hindi ihihinto.
