Ang sarap balikan
Mga alaala ng nakaraan
Mga pahina ng kahapon
Muli sanang mahagkan
Mga ngiting lumipas
Mga sayang tila lumagpas
Muli sanang pumagaspas
Sa kasalukuyang naaagnas
Saan nga ba ang ganap
Puro na lang ba pagpapanggap
Sa huli'y ano na nga ba?
Ang hirap talagang umasa
Ilang 'patawad' pa ang tatanggapin
Ilang 'hindi pwede' pa ang pakikinggan
Ilang beses mo pang iseseen
Bago mo pansinin
Ayokong isiping nagkalimutan na
Baka nga parte lamang ng pagtanda
Sana'y marinig muli ang mga halakhak
Bunga ng mga kalokohang tumatak
Nauubos ang mga araw
Hanggang taon na ang nagdaan
Hindi mo namamalayan
Ito na pala ang katapusan.
