Mga bulong sa hangin
Walang pumapansin
Mukhang ayos lang
Iba na palang nilalang
Mga gabing maiingay
Sa loob ng isipan, nalulumbay
Para sa kanila'y wala
Hindi ka lang nila kilala
Paulit-ulit na mga salita
Hindi mawala sa iyong gunita
Walang mali sa iyo
Pagkatao mo lama'y nagulo
Sabi nila kapag iniwan
Ikaw ay babalikan
Ngunit hindi lahat ng lumisan
Tanda, daan tungo sa pinanggalingan
Ang ilang mga sinukuan
Mga walang patutunguhan
Sa mata ng ilan, mga kinalimutan
Naghahanap pa rin ng paroroonan.