A los dos ng umaga
Saan nga ba ang punta?
Balikan ang mga gunita
Mga ala-alang limot na.
Mga alitang walang dahilan
pagbabating nauuwi sa iyakan
Kahit na walang patutunguhan
Iba pa rin ang ating kabataan.
Ang oras ay walang halaga
masulit lamang ang bawat gala
Kahit ba iyan ay diyan lang
Panalo pa rin ating mga kuha.
Tanda pa ba mga awitin
tayo lang ang nakaalam?
Saksi ang sahig ng silid-aralan
Sa kantahan nating trip lang.
Kahit hirap sa mga proyekto
Gagawa ng paraan para manalo
gagawing pang grupo
ang pang isang tao.
Mahirap na kung mahirap
kailangan lang magsumikap
tatawa, iiyak para sa pangarap
Hanggang sa makarating sa alapaap.
Saan na nga ba sila napunta?
May kanya kanya ng karera
Panapanahong lumipas na
May nakakaalala pa ba?