Mga bagay na di kapansin pansin
Nais kong tuklasin
Tumalon sa bangin
At lumipad kasabay ng hangin
Minsa'y maglakbay
Kasama ang ilang lakay
Sa dagat o lupa ma'y isakay
Kasabay ang mga ngiti't kaway
Ipalaganap ang pag-asa't saya
Sa bawat taong nakakasalamuha
Aralin ang bawat kultura
At ibahagi sa iba
Pangarap na nais abutin
Tila ba kasing tayog ng bituin
Sa pagdilim ng aking paningin
Nawa'y matupad din.